គាំងនិយាយលែងចេញ បើដឹងតម្លៃរបស់ដែល Kim Kardashian និង Kanye West ទិញឲ្យកូនៗ

2018-03-18 07:47:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាការពិតណាស់ កើតក្នុងត្រកូល Kardashian-West ប្រៀបដូចកើតលើគំនរមាសប្រាក់ដូច្នោះដែរ។ ជាក់ស្ដែងដូចដែលបានដឹងស្រាប់ តារាទូរទស្សន៍ Kim Kardashian និង Kanye West តែងតែចំណាយគ្រប់យ៉ាងសម្រាប់បំពេញចិត្តកូនៗរបស់ពួកគេ មិនថាតែសម្ភារៈប្រើប្រាស់ របស់លេង ឬក៏សម្លៀកបំពាក់នោះទេ។

ខាងក្រោមនេះ ជាអ្វីដែលគូស្នេហ៍តារាមួយគូនេះចាយលុយកប់ក្ដោងសម្រាប់កូនៗរបស់ពួកគេ៖

១. រទេះរុញសម្រាប់ដាក់ក្មេង

រទេះរុញនេះដែរជារទេះរុញដែលមានភាពប្រណីតជាងគេ ដែលមានតម្លៃ ៥ ០០០ ដុល្លារ។

២. គ្រែសម្រាប់កូនង៉ែត

ដើម្បីឲ្យកូនរបស់ពួកគេអាចគេងបានស្រួលនោះ តារាទាំង២រូបនេះ បានចំណាយលុយ ២ម៉ឺនដុល្លារក្នុងការទិញគ្រែមួយដែលច្នៃឡើងដោយក្រុមហ៊ុនដ៏ល្បី Posh Tots។

៣. សម្លៀកបំពាក់ក្មេង

មុនពេលដែលកូនស្រី Chicago របស់ពួកគេមិនទាន់កើតនោះ តារាទូរទស្សន៍ Kim Kardashian មានការរំភើប និងចង់ទិញសម្លៀកបំពាក់ថ្លៃៗជាច្រើនសម្រាប់កូនរបស់នាង។ ក្នុងនោះដែរ នាងបានកុម្ម៉ង់អាវមួយកំប្លេដែលមានតម្លៃរហូតដល់ ១០ម៉ឺនដុល្លារ ដែលជាសម្លៀកបំពាក់ដែលច្នៃឡើងដោយ Dolce & Gabbana។

៤. អាវក្រៅរោមសត្វ

អាវក្រៅរោមសត្វរបស់កូនស្រី North Westរបស់ពួកគេនេះ មានតម្លៃ ១ម៉ឺនដុល្លារ។

៥. ឡេវអាវធ្វើពីពេជ្រ

Kim Kardashian បានចំណាយប្រាក់ ៥ម៉ឺនដុល្លារលើឡេវអាវធ្វើពីពេជ្រសម្រាប់តុបតែងកូនស្រីរបស់នាង។

៦. ផ្ទះសម្រាប់ក្មេងលេង

ផ្ទះសម្រាប់ក្មេងលេងរបស់ North West នេះមានតម្លៃរហូតដល់ ១០ ម៉ឺនដុល្លារឯណោះ។

៧. ម្កុដ

ដោយសារតែស្រឡាញ់កូនខ្លាំង Kanye ចង់ធ្វើយ៉ាងណាដើម្បីឲ្យកូនរបស់លោកដូចជាព្រះនាង ដូច្នេះហើយបានជាតារាចម្រៀងរូបនេះ សម្រេចចិត្តចំណាយទិញម្កុដពេជ្រមួយដែលមានតម្លៃ ៦២ ០០០ ដុល្លារជូនកូនស្រីរបស់លោក។

៨. ឡានសម្រាប់ក្មេងលេង

ដើម្បីបំពេញចិត្តកូនៗរបស់ពួកគេនោះ សម្លៀកបំពាក់ ម្កុដពេជ្រ អ្វីទាំងអស់នោះគឺមិនគ្រប់គ្រាន់នោះទេ ដូច្នេះហើយ តារាចម្រៀង Kanye West បានចំណាយលុយទិញឡានជ័រដែលមានរូបរាងដូចឡានរបស់លោកផ្ទាល់ដែលមានតម្លៃ ១២ ០០០ដុល្លារ។

៩. លុយសម្រាប់កូន

ដើម្បីជាចំណងដៃនៅពេលដែលកូនរបស់ពួកគេ North West មានអាយុបាន ២១ឆ្នាំនោះ តារាទាំង២រូបនេះ បានតម្កល់ប្រាក់ ១០លានដុល្លារសម្រាប់ជាកាដូជូននាង។

១០. អាវលក្ខណៈគ្រួសារ

ឈុតសម្លៀកបំពាក់កូនស្រីដែលដូចគ្នាទៅនឹងតារាស្រីរូបនេះ គឺមានតម្លៃ ១១ ០០០ ដុល្លារ។

១១. កាបូបម៉ាក Fendi

កាបូបដៃម៉ាក Fendi របស់កូនស្រីរបស់តារាទាំង២រូបនេះ មានតម្លៃខ្ទង់ ៤ ០០០ដុល្លារ។

១២. កោះឯកជន

កោះដែលទិញទុកជាកាដូថ្ងៃកំណើតកូនរបស់ពួកគេនេះ មានតម្លៃ ១២លានដុល្លារ។

១៣. តុក្កតាខ្លាឃ្មុំ

តុក្កតាដ៏ស្រស់ស្អាតមួយនេះ មានតម្លៃរហូតដល់ ១៧ម៉ឺនដុល្លារ។

១៤. បន្តោងខ្សែក

បន្តោងខ្សែកមួយនេះ ជាបន្តោងមួយដ៏ប្រណីត ច្នៃឡើងដោយក្រុមហ៊ុន Suommo ដែលបន្តោងមួយនេះដែរ ច្នៃចេញពីមាស និងពេជ្រ ដែលមានតម្លៃ ៩៦ ០០០ដុល្លារ។

១៥. សេះសម្រាប់ក្មេង

សេះសម្រាប់ក្មេងលេងគឺពិតជាពេញនិយមសម្រាប់ក្មេងៗនាពេលបច្ចុប្បន្ន។ ហើយចំពោះរូបសេះដែល Kim Kardashian និង Kanye West ទិញសម្រាប់កូនរបស់ពួកគេនេះ គឺមានតម្លៃ ១៣ម៉ឺន ៧ពាន់ដុល្លារ៕

ប្រភព៖ The Richest ប្រែសម្រួល៖ អន សុភក្ត្រា