ម៉ាដូណា ឆ្អែតចិត្តក្រោយឃើញ សិរីមន្ត ចេញបទ"រាំក្បាច់ក្ងោក" ដូចខ្លួន

2018-03-19 03:40:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងកំប្លែង ម៉ាដូណា មានអារម្មណ៍មិនសប្បាយចិត្តក្រោយឃើញ ខេមរៈ សិរីមន្ត ចេញបទ"រាំក្បាច់ក្ងោក" ដូចខ្លួនចំថ្ងៃតែមួយជាមួយគ្នាទៀតគឺនៅថ្ងៃទី ១៦ ខែមីនា ឆ្នាំ ២០១៨ ។

ម៉ាដូណា បានរៀបរាប់ថា ចំពោះបទ"មករាំក្បាច់ក្ងោក" របស់លោកមិនបានលួចចំលងពីអ្នកណាទាំងអស់ អ្វីដែលសំខាន់បទចម្រៀងមួយបទនេះគឺជាស្នាដៃនិពន្ធទំនុកច្រៀងខ្លួនឯងសុទ្ធសាធ តាំងពី៦ខែមុនម្ល៉េះមុនត្រៀមចេញថត MV ទុករាំកម្សាន្តនាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខ ហើយលោក មានអារម្មណ៍ថាឆ្អែតចិត្តយ៉ាងខ្លាំង ក្រោយឃើញ ខេមរៈ សិរីមន្ត ចេញបទ"រាំក្បាច់ក្ងោក" ដូចខ្លួនដែរ។

តារាពហុជំនាញរូបនេះបន្ថែមថា៖" ខ្ញុំមិនដឹងថាអ្នកណាលួចចម្លងពីអ្នកណាទេ ព្រោះបទហ្នឹងខ្ញុំចេញតាំងពីកន្លះឆ្នាំមុន មានបង សួន ពិសិដ្ឋ ជាសាក្សី ហើយមុនចេញថត MV ពេលឡើងប៉ុស្តិ៍ទូរទស្សន៍ខ្ញុំយកបទហ្នឹងមកច្រៀងរាំដើម្បីបង្ហាញទស្សនិកជន ស្រាប់តែជិតដល់ថ្ងៃចូលឆ្នាំ ស្រាប់តែ សិរីមន្ត គាត់ចេញបទហ្នឹងមកដែរ មានដាក់ក្ងោកដូចគ្នាទាំងអស់ ដល់ពេលអ៊ីចឹងយើងជាម្ចាស់ដើមមានអារម្មណ៍ថា អន់ចិត្តព្រោះយើងមានគំនិតបង្កើតបទហ្នឹង"។

ពាក់ព័ន្ធករណីខាងលើនេះភាគីខាងកំពូលតារាចម្រៀង ខេមរៈ សិរីមន្ត គឺលោក ខេមរៈ ភារុណ ត្រូវជាបងប្រុសបានឆ្លើយយ៉ាងខ្លីថា លោកអត់បានដឹងទេទាក់ទងបទ"រាំក្បាច់ក្ងោក" របស់ប្អូនប្រុសខ្លួន ព្រោះពេលនេះលោកកំពុងតែជាប់ប្រជុំ៕

បទ"រាំក្បាច់ក្ងោក"ច្រៀងដោយ ខេមរៈ សិរីមន្ត