ក្រោយថតជុំក្រុមជាមួយគ្នា ទំនាក់ទំនងរបស់ Mint និង Mark ត្រូវផ្លាស់ប្ដូរ

2018-03-19 07:13:14
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពជុំគ្នាមួយសន្លឹក ត្រូវចែកចាយពេញបណ្ដាញផ្សព្វផ្សាយ និងបានធ្វើឲ្យអ្នកគាំទ្រទាំងអស់មានចិត្តត្រេកអរជាខ្លាំង ពិសេសពេលឃើញ Mint និង Mark ដែលពីមុនមិនត្រូវគ្នា ក្នុងរូបតែមួយ។

កាលពីព្រឹត្តិការណ៍ "We Will Love You" នៃខួបលើកទី ៤៨ឆ្នាំរបស់ប៉ុស្តិ៍លេខ ៣ថៃ ក្រុមតារាសម្ដែងរបស់ទូរទស្សន៍នេះដែល មានក្រុមឈ្មោះ Gang Lom បានថតរូបជុំគ្នាជាថ្មី ក្រោយខកខានជាយូរ ស្របពេល Mark Prin និង Mint Chalida មានបញ្ហាជាមួយគ្នាតាំងពីឆ្នាំ ២០១៤។

គ្រាន់តែបង្ហាញលើ គណនី Instagram ភ្លាមអ្នកគាំទ្រអត់ទ្រាំមិនត្រេកអរមិនបាន ព្រោះគូជម្លោះទាំង ២ (Mark និង Mint) ឈរជុំគ្នាក្នុងរូបតែមួយ។

ទាក់ទងនឹងរឿងនេះ Mint ត្រូវអ្នកសារព័ត៌មានសួរពាក់ព័ន្ធនឹងទំនាក់ទំនងជាមួយ Mark។ Mint បកស្រាយហូរហែថា៖ "នៅថ្ងៃនោះ ខ្ញុំទៅដល់ទីតាំងព្រឹត្តិការណ៍ធំក្រោយគេ ព្រោះជាប់កម្មវិធី។ ក្រោយប្ដូរខោអាវរួច បង Boy ក៏បានហៅខ្ញុំឲ្យទៅថតរូបជុំគ្នា។ មិនមានអ្វីច្រើនទេ គ្រាន់តែថតរូប១សន្លឹកជាមួយគ្នា។ មួយវិញទៀតជាមួយ បង Mark ខ្ញុំនិយាយសួស្ដីទៅគាត់ធម្មតា ហើយក៏ចាប់ផ្ដើម Follow គាត់លើ Instagram ដូចពីមុនវិញដែរ។ ពួកយើងក្លាយជាមិត្តនឹងគ្នាដូចដើមវិញ និងលែងមានបញ្ហាអ្វីទៀតដែរ ជាពិសេសខ្ញុំក៏រីករាយនឹងរួមការងារជាមួយ បង Mark ម្ដងទៀតដែរ។ ខ្ញុំពិតជាសប្បាយចិត្តដែលបានថតរូបជុំគ្នាបែបនេះ ព្រោះបើគិតទៅ អស់រយៈពេលច្រើនឆ្នាំដែរហើយ ដែលពួកយើងខានថតជាមួយគ្នាជាក្រុម”។

Mint បានបញ្ជាក់បន្ថែមថា នៅថ្ងៃនោះ ក្រោយកម្មវិធីបញ្ចប់ នាងនឹងមិត្តរួមក្រុម ព្រមទាំង Taew និង Mew ក៏បានទៅញ៉ាំអាហារជុំគ្នា ប៉ុន្តែពួកគេមិនបានបង្ហោះរូបលើបណ្ដាញសង្គម។

នេះជាអ្វីដែលអ្នកគាំទ្រទាំងអស់ចង់បាន ហើយពិតណាស់ វាជាពេលវេលាដែលម្នាក់ៗទន្ទឹង រង់ចាំ។ ពួកគេពិតជាមិនធ្វើឲ្យ Fan អស់សង្ឃឹមមែន ព្រោះដូចដែល Mint បានលើកឡើង អ្នកទាំង ២ វិលមកត្រូវគ្នាវិញហើយ៕

ប្រភព៖ thaistarnews ប្រែសម្រួល៖ យី សុធារី