Meghan Trainor បង្ហើបថានាងមានអារម្មណ៍ដូចខ្មោចចូលពេលវះកាត់
- 2018-03-19 10:00:00
- ចំនួនមតិ 0 | ចំនួនចែករំលែក 0
Meghan Trainor បង្ហើបថានាងមានអារម្មណ៍ដូចខ្មោចចូលពេលវះកាត់
ចន្លោះមិនឃើញ
ម្ចាស់បទ "All About That Bass” Meghan Trainor សារភាពថានាងត្រូវខ្មោចចូល ព្រមទាំងអាចស្លាប់ពេលកំពុងគេងលក់ ខណៈឆ្លងកាត់ការវះកាត់បំពង់សំឡេង។
តារាវ័យ ២៤ឆ្នាំរូបនេះ បានឆ្លងកាត់ផ្លែកាំបិតដើម្បីវះកាត់បំពង់សំឡេង កាលពីឆ្នាំ២០១៦ ជាលើកទី២បន្ទាប់ពីមានបញ្ហាស្រដៀងគ្នាកើតឡើងម្ដងរួចមកហើយកាលពីឆ្នាំ ២០១៥។
បន្ទាប់ពីធ្លាប់បង្ហើបថានាងមានបញ្ហាជាមួយបញ្ហាថ្នាំនិងត្រូវប្រឈមមុខនឹងបញ្ហាផ្លូវចិត្ត តារារូបនេះក៏បានប្រាប់សារព័ត៌មាន Daily Star ថានាងមានភាពភ័យខ្លាចដោយបារម្ភថានឹងប្រែជាឆ្កួត ព្រោះនាងស្ថិតនៅក្នុងដំណាក់កាលគួរឲ្យខ្លាចមួយ ដោយគិតថានាងអាចគេងលក់ដោយមិនភ្ញាក់ឡើងវិញជារៀងរហូត។
Meghan បាននិយាយនៅក្នុងកិច្ចសម្ភាសន៍ថា៖ "បន្ទាប់ពីការវះកាត់ ខ្ញុំមានអារម្មណ៍ប្លែកខ្លាំង។ ខ្ញុំគិតថាខ្លួនឯងដូចជាត្រូវព្រលឹងខ្មោចសន្ថិត និងធ្វើបាបខ្ញុំអីចឹង។ ពេលនោះខ្ញុំសឹងតែគិតថាខ្លួនឯងឆ្កួតទៅហើយ។"
មិនត្រឹមតែប៉ុណ្ណោះ តារារូបនេះបានបញ្ជាក់ថានាងត្រូវប្រឈមមុខនឹងបញ្ហានេះអស់រយៈពេលដល់ទៅ៤ខែ ព្រមទាំងគិតថាការងារនិងជីវិតនាងបានបញ្ចប់ទៅហើយ។ វាជារឿងដ៏អស្ចារ្យមួយដែលនាងអាចត្រលប់មកភាពធម្មតាវិញ និងមានលទ្ធភាពបង្កើតបទចម្រៀងថ្មីៗបន្តទៀត៕
អានអត្ថបទ៖
ដឹងអត់តួអង្គ Killmonger កាលពីក្មេងក្នុងរឿង Black Panther រកចំណូលបានប៉ុន្មាន?
Karlie Kloss បកស្រាយពាក្យចចាមអារ៉ាមរឿងឈ្លោះគ្នាជាមួយ Taylor Swift
Black Panther ជារឿងដំបូងបន្ទាប់ពី Avartar ទទួលបានលេខ១ Box Office ៥សប្ដាហ៍ជាប់គ្នា