៥ ដំបូន្មានពីគ្លីនិកជំនាញដើម្បីគេងលក់ស្រួល មានមួយចំណុច គ្រប់គ្នាសុទ្ធតែមានរៀងខ្លួននាពេលបច្ចុប្បន្ន
- 2018-03-19 13:30:14
- ចំនួនមតិ 0 | ចំនួនចែករំលែក 0
៥ ដំបូន្មានពីគ្លីនិកជំនាញដើម្បីគេងលក់ស្រួល មានមួយចំណុច គ្រប់គ្នាសុទ្ធតែមានរៀងខ្លួននាពេលបច្ចុប្បន្ន
ចន្លោះមិនឃើញ
ការគេងលក់ស្រួល គឺជារឿងយ៉ាងសំខាន់ណាស់ ព្រោះទីមួយវាជួយឲ្យលោកអ្នកមានសុខភាពល្អ ហើយទីពីរគឺរួមចំណែកធ្វើឲ្យមានអារម្មណ៍ល្អនៅថ្ងៃបន្ទាប់។ ខាងក្រោមគឺជាតិចនិកចំនួន ៥ ណែនាំ ដោយគ្លីនិកដែលមានមូលដ្ឋាននៅសហរដ្ឋអាមេរិក Mayo Clinic ដែលលោកអ្នកអាចសាកល្បងដើម្បីគេងលក់ស្រួល៖
១.មានការកំណត់ម៉ោងពេលគេងត្រឹមត្រូវ៖ អ្នកគួរចូលគេង និងងើបពីគេងឲ្យទៀងពេលជារៀងរាល់ថ្ងៃ។ ការធ្វើបែបនេះ ធ្វើឲ្យរាងកាយអ្នកបង្កើតទម្លាប់គេង និងងើបត្រឹមត្រូវ។
២.យកចិត្តទុកដាក់ឲ្យមែនទែន លើចំណីអាហារដែលលោកអ្នកទទួលទាន៖ ការហូបច្រើនពេក ឬតិចពេក មួយម៉ោង ឬ ពីរម៉ោងមុនចូលគេង អាចធ្វើឲ្យអ្នកគេងមិនលក់។ លើសពីនេះ លោកអ្នកមិនគួរពិសាច្រើនពេកនូវ ភេសជ្ជៈដូចជា ស្រា ឬ កាហ្វេ និងជក់បារីឡើយ។ សារជាតិមាននៅក្នុងគ្រឿងទាំងអស់នេះ រំខាន ឬបំផ្លាញដល់វដ្ដដំណេករបស់អ្នក។
៣.បង្កបរិយាកាសងាយស្រួលក្នុងការសម្រាក៖ ដើម្បីសម្រេចបានបរិយាកាសបែបនេះ លោកអ្នកអាចរៀបចំបន្ទប់ឲ្យមានផាសុកភាព និងស្ងាត់។ បន្ថែមពីលើនេះ លោកអ្នកគួរកាត់បន្ថយការប្រើប្រាស់គ្រឿងអេឡិចត្រូនិកដូចជាទូរស័ព្ទ ឬកុំព្យូទ័រ មុនពេលចូលសម្រាន្ត។
៤.កាត់បន្ថយការគេងថ្ងៃ៖ ការគេងថ្ងៃយូរ អាចប៉ះពាល់ដំណេកពេលយប់របស់លោកអ្នក។ បើអាចធ្វើបាន សូមគេងថ្ងៃកុំឲ្យលើសពី ៣០នាទីក្នុងមួយថ្ងៃ ហើយកុំគេងពេលល្ងាច។
៥.ធ្វើលំហាត់ប្រាណ៖ លោកអ្នកអាចធ្វើការហាត់ប្រាណងាយៗ ដូចជារត់ ឬធាក់កង់ ធ្វើយ៉ាងណា ឲ្យចេញញើស។ ការហាត់ប្រាណទៀងទាត់ ជួយឲ្យអារម្មណ៍ល្អ និងងាយគេងលក់ស្រួល៕