Messi ថា World Cup នៅរុស្ស៊ីជាឱកាសចុងក្រោយជាមួយអាហ្សង់ទីន
- 2018-03-20 02:37:46
- ចំនួនមតិ 0 | ចំនួនចែករំលែក 0
Messi ថា World Cup នៅរុស្ស៊ីជាឱកាសចុងក្រោយជាមួយអាហ្សង់ទីន
ចន្លោះមិនឃើញ
Lionel Messi បាននិយាយថា World Cup នៅរុស្ស៊ីគឺជាឱកាសចុងក្រោយរបស់ខ្លួន និងកីឡាករភាគច្រើនក្នុងជម្រើសជាតិអាហ្សង់ទីនសម្រាប់ការឈ្នះពាន World Cup។
ខ្សែប្រយុទ្ធដែលឈានចូលវ័យ៣១ឆ្នាំនៅខែមិថុនា មានអនុស្សាវរីយ៍ឈឺចាប់ច្រើនជាមួយក្រុមជម្រើសជាតិ ធ្លាប់ចាញ់វគ្គផ្ដាច់ព្រ័ត្រពានធំៗចំនួន៣លើកជាប់គ្នា គឺ World Cup ២០១៤, Copa America ២០១៥ និង ២០១៦។
“ខ្ញុំស្រក់ទឹកភ្នែកជាច្រើនដងព្រោះតែការចាញ់, ព្រោះវគ្គផ្ដាច់ព្រ័ត្រ ព្រោះតែការបាត់បង់ពាន និងមិនអាចសម្រេចក្ដីស្រមៃឲ្យប្រទេសជាតិ។ ពួកយើងមានអារម្មណ៍ថាបើមិនអាចឈ្នះ World Cup លើកនេះ គឺគ្មានឳកាសក្រោយទៀតទេ"។ ម្ចាស់ជើងឯក Ballon d'Or និយាយដូច្នេះ។
គួរបញ្ជាក់ថាកម្លាំងសំខាន់ៗរបស់អាហ្សង់ទីនមាន Messi ខ្លួនឯង, Agüero, Gonzalo Higuaín, Ángel Di María, Nicolas Otamendi, Mascherano និងកីឡាករមួយចំនួនទៀតសុទ្ធតែឈានដល់វ័យ៣០ និងលើសពីនេះអស់ទៅហើយ ដូច្នេះមិនដឹងថាពួកគេអាចជាប់ជម្រើសជាតិនៅ៤ឆ្នាំក្រោយឬក៏អត់ឡើយ៕