អ្នកណាខ្លះ លួចមើល ណាក់ ស្រីណា អាចមានសង្ឃឹម ព្រោះឥឡូវសាមីខ្លួនបង្ហើបហើយ!
- 2018-03-20 03:26:02
- ចំនួនមតិ 0 | ចំនួនចែករំលែក 0
អ្នកណាខ្លះ លួចមើល ណាក់ ស្រីណា អាចមានសង្ឃឹម ព្រោះឥឡូវសាមីខ្លួនបង្ហើបហើយ!
ចន្លោះមិនឃើញ
សម្រាប់បុគ្គលទាំងឡាយដែល បាន និងកំពុងលួចមើលចិត្តគំនិត ឬក៏ព្យាយាមទាក់ទងកញ្ញា ណាក់ ស្រីណា នោះ ពេលនេះ អាចមានសង្ឃឹមហើយ ក្រោយសាមីខ្លួនបង្ហើបថា នាងចាប់ផ្ដើមបើកចិត្តគំនិតទទួលយកជីវិតគូហើយ។
គិតត្រឹមឆ្នាំនេះ ស្រីណា មានវ័យ ២៨ឆ្នាំហើយ វ័យនេះ សាមីខ្លួនអះអាងថា ជាវ័យនាងចាប់ផ្ដើមគិតពីអនាគតជីវិតគូហើយ ព្រោះមិនចង់ឲ្យពេលវេលាអូសបន្លាយតទៅទៀត។ មិនប្រាប់ ពីវេលាពិតប្រាកដ ពិធីការិនីទូរទស្សន៍អាស៊ីអាគ្នេយ៍រូបនេះ ប្រាប់យ៉ាងខ្លីថា វេលានោះ នឹងមិននៅយូរទៀតទេ។ "កំពុងតែគិតគូហើយបង ប្រហែលមិនយូរទៀតទេ"។
ទន្ទឹមនឹងការបង្ហើបពី ការចាប់ផ្ដើមជីវិតគូក្នុងពេលមិនយូរនេះ ស្រីណា ដែលមានរូបឆោមលោមពណ៌ ស្រស់ស្អាតបែបស្រគត់ស្រគំ តាមធម្មជាតិ នៅមិនលាក់លៀមទៀតថា បច្ចុប្បន្នមានបុរសជាច្រើនតាមក្រវែលនាងរាល់ថ្ងៃ ប្រាថ្នាចង់ធ្វើជាម្ចាស់ជីវិតមើលថែនាង។ បុរសទាំងនោះ ទៀតសោត មានទាំងចាស់ ទាំងក្មេង ព្រមទាំងជាអ្នករស់នៅក្នុង និងក្រៅស្រុកផង។
យ៉ាងណាក៏ដោយ ភាគច្រើនក្នុងចំណោមនោះ គឺមានវ័យ លើសនាងបន្តិចបន្តួចប៉ុណ្ណោះ។ តាម ស្រីណា អ្នកទាំងនោះ គឺស្ម័គ្រចិត្តចូលមកទាក់ទងនាងដោយខ្លួនឯង មិនមាននរណាណែនាំទេ។ ដូច្នេះហើយ ផ្សំនឹងអ្នកស្រឡាញ់ក៏មានច្រើន ហើយខ្លួនវ័យក៏កាន់តែច្រើនដែរ តួឯកស្រីរឿង "នំប៉័ងបញ្ចាំស្នេហ៍" ប្រាប់ទៀតថា បច្ចុប្បន្ន នាងកំពុងពិចារណាពីរឿងនោះហើយ។
មិនសំដៅលើនរណាម្នាក់ និងមិនអធិប្បាយពីបុគ្គលិកលក្ខណៈបុរសបែបណាដែលខ្លួនពេញចិត្ត ស្រីណា ថ្លែងថា "រាល់ថ្ងៃខ្ញុំកំពុងពិចារណាបង តែមិនមែនពិចារណានរណាម្នាក់ក្នុងចំណោមនេះទេ គឺខ្ញុំកំពុងពិចារណាពីខ្លួនឯង...”។
ណាក់ ស្រីណា គឺតារាស្រីម្នាក់ ត្រូវបានគេសម្គាល់ថា មិននិយមស្លៀកពាក់បែបសិចស៊ីឡើយ ក្នុងនោះទាំងការស្លៀកពាក់ ការតុបតែងមុខទៀតសោត គឺស្ថិតក្នុងកម្រិតសមរម្យ មិនហក់លោត។ បែបនេះ ពិធីការិនីរូបនេះ កម្រមានរឿងអាស្រូវណាស់ ពិសេសពាក់ព័ន្ធនឹងស្នេហានេះតែម្ដង គឺមិនដែលមានឡើយ៕
ជាមួយនឹងការបង្ហើបនេះ ចាំមើលថា តើបុរសណាទៅថ្ពក់យកបេះដូងតារាស្រីស្រគត់ស្រគំនេះបាន?