ក្រោយឃើញ Tuk Tuk ឥណ្ឌាវាយលុកទីផ្សារ ក្រុមហ៊ុនមួយចេញមុខជួយ Tuk Tuk ខ្មែរ
- 2018-03-20 03:41:33
- ចំនួនមតិ 0 | ចំនួនចែករំលែក 0
ក្រោយឃើញ Tuk Tuk ឥណ្ឌាវាយលុកទីផ្សារ ក្រុមហ៊ុនមួយចេញមុខជួយ Tuk Tuk ខ្មែរ
ចន្លោះមិនឃើញ
Tos Tov Co., LTD បានបញ្ចេញកម្មវិធីហៅមធ្យោបាយធ្វើដំណើរ Tos Tov ដែលផ្ដោតសំខាន់លើរុឺម៉កកង់បីខ្មែរ ជាជាងរុឺម៉កកង់បី ឥណ្ឌា ឬតាក់ស៊ី ដោយផ្ដល់ជាប្រាក់ប្រចាំខែហើយ ថែមទាំងមានរង្វាន់ជាប្រចាំសម្រាប់អ្នកដឹកបានច្រើនទៀតផង។
កញ្ញា ផុន ផល្លីន បុគ្គលិកផ្នែករដ្ឋបាល Tos Tov បានលើកឡើងថា៖ "អ្នករត់រុឺម៉កកង់បីខ្មែរពេលចុះឈ្មោះជាមួយយើង យើងជូនគាត់ ៣០ដុល្លាររាល់ខែ ក្នុង ៦ខែដំបូង ហើយយើងមានរង្វាន់សម្រាប់អ្នកធ្វើការបានល្អទៀត មានជាកាដូតិចតួចអី ចឹងទៅ"។
ការហៅរុឺម៉កកង់បីជិះនៅតាមផ្លូវហាក់មានការថមថយចុះមួយរយៈក្រោយនេះ ជាពិសេសនៅទីក្រុងភ្នំពេញតែម្ដង ដោយគេនិយមហៅតាម App ដែលងាយស្រួលជាង និងមានតម្លៃសុក្រឹតជាង ហើយភាគច្រើនឃើញមាននៅលើរុឺម៉កកង់បីឥណ្ឌាតែប៉ុណ្ណោះ ជាហេតុធ្វើឲ្យអ្នករត់រុឺម៉កកង់បីខ្មែរ ហាក់មិនសូវទទួលបានកម្រៃដូចពីមុន។
កញ្ញា ផល្លីន បានបន្ថែមថា៖ "នៅយើង យើងលើកស្ទួយអ្នករត់រុឺម៉កកង់បីខ្មែរ ជាងអ្នករត់រុឺម៉កកង់បីរបស់ឥណ្ឌាបន្តិច ដោយសារមួយរយៈក្រោយនេះ យើងសិក្សាទៅភាគច្រើនគេជិះតែរុឺម៉កកង់បីឥណ្ឌាទេ ព្រោះហៅតាម App វាស្រួល អ៊ីចឹងបានពេលយើងបង្កើតកម្មវិធីមក យើងតែងតែជំរុញតាមវិធីផ្សេងៗ ឲ្យអ្នករត់រុឺម៉កកង់បីខ្មែរចុះឈ្មោះជាមួយយើងឲ្យបានច្រើន"។
Tos Tov ជាកម្មវិធីហៅមធ្យោបាយធ្វើដំណើរគិតតម្លៃតាមគីឡូម៉ែត្រ បង្កើតឡើងដោយកូនខ្មែរ ហើយបានសហការជាមួយរុឺម៉កកង់បីខ្មែរជាង ៣០០ និងរុឺម៉កកង់បីឥណ្ឌា ព្រមទាំងតាក់ស៊ីជាង ២០០ទៀត នៅភ្នំពេញ៕
ព័ត៌មានបន្ថែម ចូលទៅផេកហ្វេសប៊ុក Tos Tov ហើយចុចត្រង់នេះ ដើម្បី Download សម្រាប់ Android និង iOS ៕