បង្គន់ឆ្លាតវៃនៅជប៉ុន បំពាក់បច្ចេកវិទ្យាឡើងកប់ ថ្លៃអាចទិញ Prius មួយជិះបាន

2018-03-21 01:45:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតបង្គន់អនាម័យទំនើប Toto បានវិវត្តទៅជំហានបន្ទាប់ក្នុងការផលិតបង្គន់ឆ្លាតវៃមានប្រើបច្ចេកវិទ្យាចុងក្រោយ Ultra-luxurious, NEOREST NX ដោយរំពឹងដាក់លក់នៅទីផ្សារសហរដ្ឋអាមេរិកនាចុងឆ្នាំ ២០១៨ ក្នុងតម្លៃ ១១ ០០០ ដុល្លារ ។

ភាពងាយស្រួលនៃបង្គន់របស់ប្រទេសជប៉ុនមួយនេះ រចនាលាយឡំដោយសារធាតុពរ្សឺឡែន មានមុខងារបើកចានបង្គន់នៅពេលម្ចាស់ដើរមក និងបាញ់ទឹកលាងសម្អាត បន្សំម៉ាស៊ីនបាញ់ខ្យល់ ក្រោយម្ចាស់បន្ទោបង់រួចរាល់ មិនពិបាកក្នុងការប្រើក្រដាសអនាម័យ ហើយសូម្បីតែការសម្អាតបរិវេណបង្គន់ទាំងមូល ក៏មានបច្ចេកវិទ្យាស្វ័យប្រវត្តិផងដែរ ដោយអាចធានាថាគ្មានក្លិននិងកាកសំណល់កខ្វក់ណាមួយឡើយ។

សរុបមកអ្នកប្រើប្រាស់ គ្រាន់តែមកអង្គុយធម្មតា ដោយគ្មានហត់នឿយអ្វីទាំងអស់ ព្រោះពេលបន្ទោបង់រួចរាល់ ចានបង្គន់នឹងបិទទៅវិញដោយឯកឯង ហើយមានបច្ចេកវិទ្យាបើកពន្លឺភ្លើងស្វ័យប្រវត្តិនាពេលរាត្រីថែមទៀតផង។