ពណ៌ថ្មីកាន់តែប្លែកជាងមុន ត្រៀមរំលេចលើ iPhone X ឆ្នាំនេះ
- 2018-03-20 12:36:29
- ចំនួនមតិ 0 | ចំនួនចែករំលែក 0
ពណ៌ថ្មីកាន់តែប្លែកជាងមុន ត្រៀមរំលេចលើ iPhone X ឆ្នាំនេះ
ចន្លោះមិនឃើញ
ប្រភពពីគណនី Benjamin Geskin បានបង្ហោះលើបណ្តាញសង្គម Twitter ជុំវិញរូបរាង iPhone X រចនាពណ៌ថ្មី Blush Gold មកជាមួយនូវតួខ្លួននិងទ្រនាប់ជើងស៊ីម ដោយអះអាងថាមានកំណែលេខ D21A។ Geskin ក៏បញ្ជាក់យ៉ាងច្បាស់ថាពណ៌ប្លែកនេះ នឹងពិតជាមានមែនលើ iPhone ជំនាន់ក្រោយ ហើយរំពឹង Apple ត្រៀមដាក់បង្ហាញក្នុងពេលខាងមុខ។
កន្លងទៅប្រភេទពណ៌ Blush Gold ធ្លាប់លេចធ្លាយម្តងអំឡុងមុនថ្ងៃដាក់បង្ហាញ iPhone X ជំនាន់ដំបូងនាខែកញ្ញា ឆ្នាំ ២០១៧ ប៉ុន្តែគ្រប់យ៉ាងត្រូវបានបញ្ចប់ត្រឹមជម្រើសពណ៌ទឹកប្រាក់និងប្រផេះ ថ្វីបើយ៉ាងណាមិញបើក្រឡេកទៅលោក Ming-Chi Kuo ក៏ធ្លាប់បង្ហាញការជឿជាក់ច្បាស់ដូចគ្នា ថាឆ្នាំទៅដោយសារក្រុមហ៊ុនលោក Tim Cook ប្រឈមនឹងការកកស្ទះនៃចង្វាក់ផលិតកម្ម ប៉ុន្តែពណ៌នេះប្រាកដជាមានមែន។
រំឭកថាមុននេះបន្តិចក្រុមហ៊ុនយក្សអាមេរិក ក៏បានប្រកាសពីកាលបរិច្ឆេទត្រៀមបើកព្រឹត្តិការណ៍នាថ្ងៃទី ២៧ មិនា នៅទីក្រុង Chicago ដោយមតិភាគច្រើនហ៊ានសន្មតនឹងមានការដាក់បង្ហាញនូវ iPad/MacBook ជំនាន់ថ្មីមានតម្លៃធូរថ្លៃជាងមុន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ធ្លាយរឿងTrump ឈ្នះឆ្នោតប្រធានាធិបតីអាមេរិក ដោយសារមានក្រុមហ៊ុនមួយនៅពីក្រោយ
និស្សិត IT៖ "ដំបូងធ្វើការលេងៗទេ យូរៗទៅបានប្រាក់ខែច្រើន ក៏បន្តធ្វើជាប់រហូតទៅ"