Red Velvet, Seohyun និងតារា K-Pop ជាច្រើននឹងទៅសម្ដែងនៅកូរ៉េខាងជើង
- 2018-03-21 02:02:01
- ចំនួនមតិ 0 | ចំនួនចែករំលែក 0
Red Velvet, Seohyun និងតារា K-Pop ជាច្រើននឹងទៅសម្ដែងនៅកូរ៉េខាងជើង
ចន្លោះមិនឃើញ
ក្រុមចម្រៀង និងតារាចម្រៀងល្បីឈ្មោះប្រចាំប្រទេសកូរ៉េខាងត្បូងជាច្រើនរូប នឹងចូលរួមក្នុងព្រឹត្តិការណ៍ប្រគំតន្ត្រីធំជាប្រវត្តិសាស្ត្រក្នុងទីក្រុងព្យុងយ៉ាង ប្រទេសកូរ៉េខាងជើង។
កាលពីថ្ងៃទី ២០ ខែមីនាម្សិលមិញនេះ ព័ត៌មានខ្លះៗទាក់ទងនឹងវត្តមានចូលរួមក្នុងការប្រគំន្ត្រីដែលនឹងប្រារព្ធឡើងនៅទីក្រុងព្យុងយ៉ាង ប្រទេសកូរ៉េខាងជើងត្រូវបានបង្ហាញ។ តារាប្រុសស្រីប្រចាំពិភពសិល្បៈកូរ៉េខាងត្បូងចំនួន ១៦០នាក់ ដែលក្នុងនោះរួមមាន ក្រុមចម្រៀង Red Velvet, តារាចម្រៀង Seohyun, baek Ji Young, Ali, Cho Yong Pil, Lee Sun Hee, Yoon Do Hyun, Jung In និង Yoon Sang ព្រមទាំងតារាជាច្រើនទៀត នឹងចូលរួមសម្ដែងជាពិសេសក្នុងព្រឹត្តិការណ៍ធំជាប្រវត្តិសាស្ត្រនោះ។
រម្លឹកទៅកាលពីឆ្នាំ ២០០៣ ក្រុមចម្រៀង K-Pop ១ក្រុម ក៏បានបង្ហាញទស្សនីយភាពពិសេសក្នុងប្រទេសកូរ៉េខាងជើងដែរ គឺក្រុម Baby V.O.X។ មានវត្តមានចូលរួមក្នុងកម្មវិធីធំនេះ ក្រុម Red Velvet បាននិយាយថា៖ "យើងពិតជាមានក្ដីសោមនស្សរីករាយ និងមានកិត្តិយសជាខ្លាំង ដែលមានវត្តមានចូលរួមក្នុងព្រឹត្តិការណ៍ដ៏មានន័យនេះ។ មួយវិញទៀត នេះក៏ជាលើកដំបូងសម្រាប់យើងក្នុងការសម្ដែងទស្សនីយភាពនៅទីក្រុងព្យុងយ៉ាងនេះ។ ពួកយើងនឹងត្រៀមជាពិសេស ដើម្បីបង្ហាញការសម្ដែងដ៏អស្ចារ្យនៅថ្ងៃនោះ”។
សូមបញ្ជាក់ថា ការប្រគំតន្ត្រីក្នុងទីក្រុងព្យុងយ៉ាង នឹងប្រព្រឹត្តិទៅនៅសាលមហោស្រព East Pyeongyang Grand និងទីលានកីឡា Pyeongyang Arena ចាប់ពីថ្ងៃទី ៣១ ខែមីនា ដល់ថ្ងៃទី ០៣ ខែមេសា ឆ្នាំ ២០១៨។ ក្រុមការងារកម្មវិធីនេះ នឹងធ្វើដំណើរឆ្ពោះទៅកាន់ប្រទេសកូរ៉េខាងជើង នៅថ្ងៃទី២២ខែមីនាខាងមុខ ដើម្បីរៀបចំការសម្ដែង៕