ទូរសព្ទ HTC មានកាមេរ៉ាភ្លោះ ទើបចេញ តម្លៃត្រឹម ៣០០ ដុល្លារ

2018-03-21 02:10:11
ចំនួនមតិ 0 | ចំនួនចែករំលែក 0

ចន្លោះមិនឃើញ

HTC បានបង្ហាញចេញស្ងាត់ៗ ស្មាតហ្វូនពីរម៉ូដែល មាន Desire 12 និង Desire 12+ ដែលមានតម្លៃធូរថ្លៃបំផុត។

Desire 12

រូបរាងរបស់ស្មាតហ្វូនទាំងពីរមានលក្ខណៈស្រដៀងគ្នាទៅនឹង U11 និងមានតួខ្លួនធ្វើពីសារធាតុកញ្ចក់។ យ៉ាងណាក្ដីចំពោះលក្ខណៈសម្បត្តិខាងក្នុង មិនខ្លាំងណាស់ណា ប៉ុន្តែអាចទទួលយកបានជាមួយតម្លៃដែលបានកំណត់។

Desire 12

Desire 12 មានអេក្រង់ LCD ទំហំ ៥,៥ អ៊ីញ អាចបង្ហាញរូបភាពក្នុងកម្រិត ១៤៤០ x ៧២០ ភីកសែល។ មានបំពាក់នូវបន្ទះឈីប MediaTek MT6739 ជាប្រភេទ 64-bit មាន RAM ទំហំ ៣ GB, អង្គផ្ទុកទិន្នន័យក្នុងម៉ាស៊ីនមានទំហំ ៣២ GB និងមានរន្ធសម្រាប់ដោតមេមូរីកាត។

កាមេរ៉ាខាងក្រោយរបស់ Desire 12 មានកម្រិត ១៣ MP ជាមួយ Aperture ទំហំ f/2.2 និងកាមេរ៉ា Selfie កម្រិត ៥ MP មាន Aperture f/2.4។ ថ្មមានកម្រិត ២៧៣០ mAh និងមានរន្ធសម្រាប់ដោតកាស 3.5 mm។

Desire 12+

ចំណែក Desire 12+ វិញ មានអេក្រង់ទំហំ ៦ អ៊ីញ អាចបង្ហាញរូបភាពក្នុងកម្រិត ១៤៤០ x ៧២០ ភីកសែល។ បន្ទះឈីបប្រភេទ Snapdragon 450, RAM ទំហំ ៣ GB, អង្គផ្ទុកទិន្នន័យ ៣២ GB និងមានថ្មទំហំ ២៩៦៥ mAh។

Desire 12+

ចំណុចពិសេសរបស់ Desire 12+ គឺមានកាមេរ៉ាភ្លោះនៅផ្នែកខាងក្រោយ ដោយកាមេរ៉ាមេមានកម្រិត ១៣ MP មាន Aperture f/2.2 អមនឹងកាមេរ៉ាទីពីរកម្រិត ២ MP ដែលរួមផ្សំគ្នាអាចបង្កើតរូបភាពបែប ច្បាស់មុខព្រាលក្រោយបាន។ កាមេរ៉ាខាងមុខមានកម្រិត ៨ MP មាន Aperture f/2.0 អាចថតរូបភាពបានល្អនៅទីងងឹត។