មួយឆាកជីវិតមិនដែលស្គាល់អង្គរវត្តម្តងសោះ ពេលនេះក្តីសង្ឃឹមតាយាយជាង ២៥០ នាក់ ដុះពន្លកហើយ
- 2018-03-21 05:00:06
- ចំនួនមតិ 0 | ចំនួនចែករំលែក 0
មួយឆាកជីវិតមិនដែលស្គាល់អង្គរវត្តម្តងសោះ ពេលនេះក្តីសង្ឃឹមតាយាយជាង ២៥០ នាក់ ដុះពន្លកហើយ
ចន្លោះមិនឃើញ
លោកតាលោកយាយមួយចំនួនធំ ដែលក្នុងមួយឆាកជីវិតនេះមិនទាន់មានឱកាសបានទៅលេង អង្គរវត្ត ពេលនេះក្តីសុបិនបានលេចចេញបណ្តើរៗហើយ។ ដោយក្រុមមហ៊ុន ទេពអប្សរបានប្រកាសក្នុងបណ្តាញសង្គមកាលពីពេលថ្មីៗ ជ្រើសរើសប្រជាជនចាស់ជរាក្រីក្រប្រមាណ ២៥០នាក់ ដែលមានអាយុចាប់ពី ៤៥ឆ្នាំ ដល់ ៦៥ឆ្នាំ ជូនទៅលេងប្រាសាទអង្គរវត្ត Free តែម្តង។
សម្រាប់អ្នកដែលមានលោកតាលោកយាយ ឬ ស្គាល់អ្នកផ្សេងទៀត កុំភ្លេចប្រាប់ និងឲ្យភ្ជាប់មកជាមួយនូវឯកសារមួយចំនួនដូចខាងក្រោម៖
ឈ្មោះ...
អាយុ (ចាប់ពី ៤៥-៦៥ ឆ្នាំ)
លេខទូរសព្ទទំនាក់ទំនងចំនួន ២ លេខ
ថតចម្លងអត្តសញ្ញាណប័ណ្ណ ឬ សៀវភៅគ្រូសារ
ការធានាពីគ្រួសារអំពីបញ្ហាសុខភាព
ជាពលរដ្ឋក្រីក្រពិតប្រាកដ
លោក តាំង ប៉ាំងឆ័យ ប្រធានផ្នែកគ្រប់គ្រងនៅក្រុមហ៊ុនទេពអប្សរបានប្រាប់ Sabay មុននេះថា កម្មវិធីនេះ រៀបចំឡើងក្នុងគោលបំណងផ្តល់ក្តីសង្ឃឹម ស្នាមញញឹម និងធ្វើឲ្យសុបិនរបស់ប្រជាជនក្រីក្រ និងចាស់ជរាកម្ពុជាក្លាយជាការពិត។
"នេះជាឆ្នាំទី៣ហើយ ដែលក្រុមហ៊ុនយើងបានរៀបចំឡើង ហើយពីមុនយើងយកត្រឹឹម ១២០នាក់ តែឆ្នាំទី៣នេះកើនជាងមុន យើងកំណត់យក ២៥០នាក់បន្ថែម។ ប៉ុន្តែឥឡូវមិនទាន់គ្រប់ទេ ទើបតែបានពាក់កណ្តាលនៃ ២៥០នាក់ ហើយសង្ឃឹមថាចុងខែនេះនឹងបានគ្រប់"។ នេះបើតាមការបញ្ជាក់បន្ថែមពី ប្រធានផ្នែកគ្រប់គ្រងនៅក្រុមហ៊ុនទេពអប្សរ ខាងលើ។
ដំណើរទស្សនកិច្ចនេះ មានរយៈពេល ២យប់ ៣ថ្ងៃ ចាប់ពីថ្ងៃទី ០៦ដល់ ថ្ងៃទី០៨ ខែមេសា ដឹកនាំដោយក្រុមហ៊ុន ទេពអប្សរ នឹងនាំប្រជាជនក្រក្រីចាស់ៗ ទៅកាន់ប្រាសាទអង្គវត្ត ប្រាសាទនានា និងរមណីយដ្ឋានជាច្រើនកន្លែងនៃទឹកដីខេត្តក្រុងសៀមរាប ដោយផ្តល់ នូវការធ្វើដំណើរ ការស្នាក់នៅ និងការបរិភោគអាហារដោយឥតគិតថ្លៃ។ លើសពីនេះទៀត ក្រុមការងារក៏បានរៀបចំជូននូវ អាហារសាមគ្គីពេលល្ងាច និងកម្មវិធីរាំច្រៀងកម្សាន លែងល្បែងប្រជាប្រិយខ្មែរយ៉ាងសប្បាយរីករាយ។
ទេពអប្សរ គឺជាក្រុមហ៊ុនមួយដែលផ្តល់នូវសេវាកម្មធ្វើវីសា ជូនប្រជាពលរដ្ឋខ្មែរ ទៅកាន់ប្រទេសនានាទូទាំងពិភពលោក ព្រមទាំងបម្រើសេវាកម្មលើការកក់សំបុត្រយន្តហោះ និង បកប្រែ ដែលកំពុងទទួលបាននូវប្រជាប្រិយភាព ទំនុកចិត្ត និងការគាំទ្រខ្ពស់ពីសំណាក់ អតិថិជន ក្រុមហ៊ុនដៃគូ និងបណ្តាស្ថាប័នទូតនៃបណ្តាប្រទេសនានា។
សម្រាប់ពត៌មានបន្ថែមពីកម្មវិធីនេះ សូមចូលទៅកាន់៖ Tep Apsor Visa ទេពអប្សរ វីសា
ឬទំនាក់ទំនងតាមលេខទូរស័ព្ទលេខ៖ ០៧៨ ៩៩៩ ៣៣១ ៕