ជាប្រវត្តិសាស្ត្រ ខ្មែរលើស ៣០នាក់បានឱកាសទៅមើល Dortmund ទាត់ផ្ទាល់នៅអាល្លឺម៉ង់
- 2018-03-22 07:55:44
- ចំនួនមតិ 0 | ចំនួនចែករំលែក 0
ជាប្រវត្តិសាស្ត្រ ខ្មែរលើស ៣០នាក់បានឱកាសទៅមើល Dortmund ទាត់ផ្ទាល់នៅអាល្លឺម៉ង់
ចន្លោះមិនឃើញ
នេះជាឱកាសដំបូងហើយសម្រាប់អ្នកគាំទ្រនៅកម្ពុជាជាង៣០នាក់ ដែលបានទៅទស្សនាការប្រកួតផ្ទាល់នៅទឹកដីអាល្លឺម៉ង់ ក្នុងការប្រកួតរវាងក្រុម Dortmund ជាមួយ Hannover ។
មិនត្រឹមតែបានទៅមើលការប្រកួតបាល់នេះទេ មួយក្រុមជាង៣០នាក់ដែលមានឱកាសល្អកម្ររកបាននេះ មានពេលសម្រាក១សប្ដាហ៍នៅអាល្លឺម៉ង់ និងមានឱកាសដើរកម្សាន្តទៅទស្សនាសារមន្ទីរផ្សេងៗនៅទីនោះផងដែរ។ មួយវិញទៀត ពួកគេក៏បានទៅហ្វឹកហាត់និងស្វែងយល់ពីការហាត់បាល់ខ្លះៗ ពីសំណាក់គ្រូបង្វឹករបស់ក្រុម Dortmund ។ ដោយដំណើររយៈពេល១សប្ដាហ៍នេះ គឺខាងក្រុមហ៊ុនស្រាបៀ អង្គរ ជាអ្នករ៉ាប់រងទាំងអស់។
លោក ស៊ីថូ ណាថាន់ ប្រធានកីឡាក្រុមហ៊ុនទូរទស្សន៍ CBS បានបញ្ជាក់ថានេះជាដំណើរដ៏អស្ចារ្យ ដែលបានមកទស្សនាការប្រកួតរបស់ Dortmund នេះ។ នៅទីនេះ មនុស្សស្រលាញ់កីឡាបាល់ទាត់ណាស់ ជាពិសេសក្លឹបនេះតែម្ដង ដោយរាល់ការប្រកួត តែងតែមានអ្នកគាំទ្រទិញសំបុត្រចូលពេញៗតែម្ដង។ ចំពោះការគាំទ្រវិញ រយៈពេល២ម៉ោងពេញ គឺអ្នកគាំទ្រគេមានចម្រៀងច្រៀងគាំទ្រជាប់រហូត ដែលធ្វើឱ្យបរិយាកាសក្នុងកីឡដ្ឋាននេះពិតជាសប្បាយរីករាយ។
ចំណែក លោក គង់ ហួន អ្នកគ្រប់គ្រងផ្នែកកីឡានៅ BTV ដែលជាមនុស្សម្នាក់ចូលរួមដំណើរការទស្សនកិច្ចនេះដែរនោះ បានបង្ហាញចំណាប់អារម្មណ៍ថា៖ “ក្នុងនាមជាអ្នកព័ត៌មានម្នាក់ ខ្ញុំពិតជាសប្បាយចិត្តដែល Angkor Beer បានបង្កើតកម្មវិធីនេះឡើង។ វាពិតជាល្អខ្លាំងណាស់ ដែលបានទៅមើល Dortmund ទាត់ផ្ទាល់ភ្នែក បូកផ្សំជាមួយអ្នកគាំទ្រដ៏អស្ចារ្យ ធ្វើឱ្យវាជាការចង់ចាំមួយមិនអាចបំភ្លេចបាន។ ក្រៅពីបានមើលបាល់នេះហើយ យើងក៏បានចូលលេងបាល់ទាំងព្រិលធ្លាក់ជាមួយខាងក្រុមគ្រូបង្វឹក Dortmund ថែមទៀត និងបានទស្សនាសារមន្ទីរជាច្រើននៅទីនោះ។ ការរៀបចំរបស់ក្លឹបគេ ពិតជាល្អ រកពាក្យនិយាយមិនបានទេ”។
ដំណើរទស្សនកិច្ចនេះដែរ រៀបចំឡើងដោយខាងក្រុមហ៊ុន Angkor Beer ដោយជាង៣០នាក់នេះ មានទាំងពិធីករទូរទស្សន៍ អ្នករៀបចំកម្មវិធីកីឡា តំណាងផ្នែកលក់របស់ Angkor Beer និងអតិថិជនផងដែរ។ ក្រៅពីបានទៅលេងក្រុង Dortmund នេះហើយ ពួកគេក៏នឹងមានឱកាសបានទៅកាន់សារមន្ទីរជាតិរបស់អាល្លឺម៉ង់ និងរមណីយដ្ឋានប្រវត្តិសាស្ត្រច្រើនទៀត ក្នុងក្រុង Cologne ដែលជាប់នឹងប្រទេសហុល្លង់ផងដែរ៕