Camila Cabello ឆ្លើយតបព័ត៌មានដែលថា Taylor Swift ជាអ្នកប្រាប់នាងឲ្យចេញពី Fifth Harmony
- 2018-03-21 06:40:00
- ចំនួនមតិ 0 | ចំនួនចែករំលែក 0
Camila Cabello ឆ្លើយតបព័ត៌មានដែលថា Taylor Swift ជាអ្នកប្រាប់នាងឲ្យចេញពី Fifth Harmony
ចន្លោះមិនឃើញ
តារាចម្រៀង Camila Cabello បានបកស្រាយពីព័ត៌មានដែលថា កំពូលតារាចម្រៀង Taylor Swift ជាអ្នកនៅខាងក្រោយនៃការសម្រេចចិត្ត ចាកចេញពីក្រុមចម្រៀង Fifth Harmony។
ម្ចាស់បទ "Havana” បានចាកចេញពីក្រុមចម្រៀងនេះកាលពីឆ្នាំ ២០១៦ ដែលនេះគឺជាការសម្រេចចិត្តរបស់នាងផ្ទាល់ ដើម្បីប្រឡូកចូលវិស័យសិល្បៈជាតារាចម្រៀងទោលវិញម្ដង។
Camila បានបកស្រាយតាមរយៈលោក Dan Wotton ពីសារព័ត៌មាន The Sun ថា៖ "វាពិតជាធ្វើឲ្យខ្ញុំធុញខ្លាំងណាស់ ដែលមនុស្សជាច្រើនគិតថា Taylor ជាអ្នកជំរុញចិត្តខ្ញុំឲ្យធ្វើបែបនេះ ព្រោះខ្ញុំគិតថានាងអាចទទួលបានពាក្យពេចន៍មិនល្អជាច្រើនពីអ្នកដទៃ។ គ្មានអ្នកណាម្នាក់បង្ខំឲ្យខ្ញុំធ្វើរឿងណាមួយទេ។ ប្រសិនជាខ្ញុំមិនចង់ធ្វើរឿងមួយ ទោះបីជាមនុស្សទូទាំងពិភពលោកប្រាប់ឲ្យខ្ញុំធ្វើក៏ខ្ញុំមិនធ្វើដែរ ហើយប្រសិនជាគេមិនចង់ឲ្យខ្ញុំធ្វើរឿងអ្វី ខ្ញុំនឹងធ្វើវា។ ខ្ញុំតែងតែចចេសអីចឹងឯង។"
មិនត្រឹមតែប៉ុណ្ណោះ Camila ក៏បានបញ្ជាក់ដែរថា ពេលពួកគេចំណាយពេលជាមួយគ្នា ពួកគេមិនដែលនិយាយរឿងការងារទេ គឺនិយាយតែរឿងស្នេហានិងប្រុសៗតែប៉ុណ្ណោះ៕
អានអត្ថបទ៖
Camila Cabello មិនខ្ចីខ្វល់ កាច់រាងដាក់អ្នកប្រមាញ់រូបថតនៅព្រលានយន្តហោះធ្វើមិនដឹង
ប្រទះឃើញ Camila Cabello ស្និទ្ធស្នាលជាមួយមិត្តប្រុសគួរឲ្យច្រណែននៅព្រលានយន្តហោះ