ច្បាស់ការ! Ruud van Nistelrooy វីរបុរស Man Utd មកខ្មែរដើមខែមេសានេះហើយ
- 2018-03-21 07:36:14
- ចំនួនមតិ 0 | ចំនួនចែករំលែក 0
ច្បាស់ការ! Ruud van Nistelrooy វីរបុរស Man Utd មកខ្មែរដើមខែមេសានេះហើយ
ចន្លោះមិនឃើញ
លោក Ruud van Nistelrooy កីឡាករបាល់ទាត់សញ្ជាតិហូឡង់ នឹងធ្វើដំណើរមកកម្ពុជា ក្នុងកម្មវិធី ដំណើរទេសចរណ៍ពានរង្វាន់ក្របខ័ណ្ឌ UEFA Champions League ២០១៨ ចាប់ពីថ្ងៃទី២-៤ មេសា ខាងមុខ ដែលរៀបចំស្រាបៀរ Heineken®។
មកកម្ពុជាលើកដំបូង ក្រៅពីជួបជាមួយអ្នកគាំទ្រខ្លួន កីឡាករជើងចាស់ ដែលស៊ុតបញ្ចូលទី ១៥០គ្រាប់ ក្នុង ២១៩ប្រកួត សម្រាប់ក្រុម Manchester United និងជាអ្នកស៊ុតបញ្ចូលទីបានច្រើនជាងគេក្នុងកំណត់ត្រាបាល់ទាត់អឺរ៉ុបរបស់ក្លឹបនេះ ក៏នឹងមានវគ្គបង្វឹកជាមួយកីឡាករកម្ពុជាមួយចំនួនផងដែរ។
កីឡាករស៊ុតបាល់បញ្ចូលទីច្រើនជាងគេ ៣សម័យកាល ក្នុងក្របខ័ណ្ឌ UEFA Champions League ដោយបង្ហាញខ្លួន ៨១លើក ស៊ុតបញ្ចូលទីបាន ៦០គ្រាប់នោះ ក៏មានតួនាទីជាទូតសុច្ឆន្ទៈដើម្បីផ្សព្វផ្សាយមហិច្ឆតាចំពោះការប្រកួតក្របខ័ណ្ឌនេះ ជាមួយអ្នកគាំទ្របាល់ទាត់ទូទាំងពិភពលោក។
ក្នុងពេល ១១ឆ្នាំ កម្មវិធីដំណើរទេសចរណ៍ខាងលើបានទៅដល់ ២៦ប្រទេស នៅទូទាំងទ្វីបអាហ្វ្រិក អាស៊ី អាមេរិកខាងត្បូង និងអាមេរិកខាងជើង ហើយពេលនេះបានមកដល់កម្ពុជា។
ព័ត៌មានលម្អិត ពីការមកដល់ និងដើម្បីចូលរួមជាមួយកីឡាករលំដាប់ពិភពលោកនេះ ចូលទៅផេកហ្វេសប៊ុក Heineken ៕