សម្ពោធអគារមីក្រូហិរញ្ញវត្ថុថ្មី កម្ពស់ ៩ជាន់ កណ្ដាលក្រុងតែម្ដង

2018-03-21 10:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រឹះស្ថានមីក្រូហិរញ្ញវត្ថុ Prime MF បានសម្ពោធការិយាល័យកណ្ដាលថ្មី មានកម្ពស់ ៩ជាន់ និងមានចំណតរថយន្តក្រោមដី កាលពីព្រឹកមិញនេះ នៅផ្ទះលេខ៤៩៤ ផ្លូវ២៧១ សង្កាត់ទួលទំពូង ខណ្ឌចំការមន ដោយមានការចូលរួមពីឯកឧត្ដម រ័ត្ន សុវណ្ណនរៈ អគ្គនាយកត្រួតពិនិត្យនៃធនាគារជាតិកម្ពុជា ឯកឧត្ដម អូ ណាក់ យ៉ុង ឯកអគ្គរាជទូតកូរ៉េខាងត្បូងប្រចាំកម្ពុជា និងភ្ញៀវកិត្តិយសជាច្រើនទៀត។

លោក គឹម សៀងស៊ូ អគ្គនាយក Prime MF បាននិយាយថា៖ "យើងបានធ្វើអាជីវកម្មជាមួយក្ដីសុបិនក្នុងការទទួលបានអតិថិជនកម្ពុជាច្រើននៅថ្ងៃណាមួយដូចនឹងធនាគារធំៗ ដែលចាប់ផ្ដើមដំបូងពីគ្រឹះស្ថានមីក្រូហិរញ្ញវត្ថុ"។

Prime MF បានបង្កើតឡើង និងទទួលអាជ្ញាប័ណ្ណស្របច្បាប់ពីធនាគារជាតិកម្ពុជាតាំងពី ២០១០ ដោយមានការិយាល័យក្នុងផ្ទះល្វែងតូច១ មួយប៉ុណ្ណោះ ហើយមកទល់ពេលនេះ បើកបាន ៦សាខា និងមានបុគ្គលិក ១៣០នាក់។

ព័ត៌មានបន្ថែម ចូលទៅផេកហ្វេសប៊ុក Prime MF Microfinance LTD ៕