ថ្មី...! ក្រោយការស៊ើបអង្កេត តាមពិត Messi អាចចូលលេងឲ្យជម្រើសជាតិអ៊ីតាលីបាន

2018-03-21 13:54:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Lionel Messi អាចមានសិទ្ធិលេងឲ្យក្រុមជម្រើសជាតិអ៊ីតាលី កាលពីមិនទាន់លេងឲ្យអាហ្សង់ទីន។

បើតាមការស៊ើបអង្កេតរបស់សារព័ត៌មានល្បី Goal បានឲ្យដឹងថា កីឡាករអាហ្សង់ទីន មានជីតាទួតជាជនជាតិអ៊ីតាលី ដែលបានធ្វើការចាកចេញពីខេត្ត Recanati ប្រទេសអ៊ីតាលី មករស់នៅទីក្រុង Rosario ប្រទេសអាហ្សង់ទីនកាលពីឆ្នាំ ១៨៨៣។

លើសពីនេះ ប្រភពដដែលក៏បានអះអាងទៀតដែរថា ទាំងឪពុកទាំងម្ដាយរបស់ Messi សុទ្ធតែមានដូនតាជាជនជាតិអ៊ីតាលី។

ការជាប់ឈាមជ័រនេះ អាចធ្វើឲ្យខ្សែប្រយុទ្ធ Barcelona អាចមានសិទ្ធិក្នុងការស្នើយកសញ្ជាតិអ៊ីតាលី។ ប្រការដូច្នេះ ធ្វើឲ្យ Messi អាចមានសិទ្ធិពេញលេញ ក្នុងការលេងឲ្យក្រុមជម្រើសជាតិប្រទេសអឺរ៉ុបមួយនេះ កាលពីមិនទាន់សម្រេចលេងឲ្យអាហ្សង់ទីន។

ទោះជាយ៉ាងណា រហូតមកទល់ពេលនេះ មិនមានភស្តុតាងណាមួយដែលបញ្ជាក់ថាក្រុមជម្រើសជាតិអ៊ីតាលី ធ្លាប់ប៉ុនប៉ងកោះហៅ Messi ឲ្យលេងឲ្យខ្លួនឡើយ។

សូមបញ្ជាក់ផងដែរ Messi មានឈ្មោះពេញ Lionel Andres Messi Cuccittini កើតនៅទីក្រុង Rosario ប្រទេសអាហ្សង់ទីន និងបានចាកចេញមករស់នៅតំបន់កាតាឡាន់ ប្រទេសអេស្ប៉ាញកាលពីខ្លួននៅអាយុ ១៣ឆ្នាំ។

កន្លងមក Messi បានបង្ហើបថា កាលពីនៅវ័យក្មេង អេស្ប៉ាញធ្លាប់ចង់កោះហៅខ្លួនឲ្យចូលលេងឲ្យក្រុមជម្រើសជាតិ។ ទោះជាយ៉ាងណា ដោយចិត្តស្រលាញ់ប្រទេសកំណើត ខ្សែប្រយុទ្ធបានសម្រេចចូលលេងឲ្យក្រុមជម្រើសជាតិអាហ្សង់ទីនវិញ៕