Asensio ជាកីឡាករ Real មួយទៀតដែលសរសើរ Neymar
- 2018-03-22 11:14:03
- ចំនួនមតិ 0 | ចំនួនចែករំលែក 0
Asensio ជាកីឡាករ Real មួយទៀតដែលសរសើរ Neymar
ចន្លោះមិនឃើញ
ខ្សែបម្រើប្រយុទ្ធ Marco Asensio ជាកីឡាករ Real Madrid ដែលសរសើរអតីតកីឡាករ Barcelona ខ្សែប្រយុទ្ធ Neymar។
Asensio បានថ្លែងប្រាប់សារព័ត៌មាន El Larguero ថា៖ Neymar គឺជាកីឡាករមួយយ៉ាងល្អ។ គេបង្ហាញសមត្ថភាពរបស់គេយ៉ាងច្បាស់ ទាំងនៅ Barcelona និង PSG។
កីឡាករអេស្ប៉ាញបានបន្តបែបបញ្ឆិតបញ្ឆៀងទៀតថា ខ្លួននឹងរង់ចាំមើល ថានៅថ្ងៃខាងមុខ ខ្លួនអាចនឹងលេងក្រុមជាមួយគ្នាជាមួយខ្សែប្រយុទ្ធប្រេស៊ីល Neymar ឬអត់។
សូមបញ្ជាក់ផងដែរថា តាំងពី Neymar ចេញពី Barcelona មក PSG កាលពីខែសីហាឆ្នាំមុន មានផ្ទុះពាក្យចចាមអារ៉ាមជាច្រើនដែលថា កីឡាករប្រេស៊ីលអាចនឹងត្រលប់មកលេងអេស្ប៉ាញវិញ ដើម្បីមកចូលរួមជាមួយ Real Madrid នាទីផ្សារដោះដូរខាងមុខ។
ការថ្លែងរបស់ Asensio ធ្វើឲ្យគេជាកីឡាករ Real Madrid មួយទៀតដែលសរសើរជាចំហដល់ Neymar។ កន្លងមក មានកីឡាករដូចជា Sergio Ramos, Casemiro, Marcelo, Carvajal ជាដើម សុទ្ធមិនដែលលាក់បាំងទេ ការសរសើរខ្លួនចំពោះកីឡាករប្រេស៊ីល។ ក្នុងនោះមានខ្លះ ថែមទាំងស្វាគមន៍ដៃពីរទៀតផង បើ Neymar មក Real Madrid មែន៕