ប្រាក់ សុវណ្ណារ៉ា សរសើរ ស៊ូ យ៉ាទី សង្គ្រោះបាល់គ្រោះថ្នាក់បានច្រើន
- 2018-03-22 01:57:04
- ចំនួនមតិ 0 | ចំនួនចែករំលែក 0
ប្រាក់ សុវណ្ណារ៉ា សរសើរ ស៊ូ យ៉ាទី សង្គ្រោះបាល់គ្រោះថ្នាក់បានច្រើន
ចន្លោះមិនឃើញ
លោក ប្រាក់ សុវណ្ណារ៉ា សប្បាយចិត្តចំពោះជ័យជម្នះថ្ងៃនេះ ព្រោះក្រុមឡាវជាក្រុមខ្លាំងមួយ ដែលបង្កគ្រោះថ្នាក់ច្រើនដល់កម្ពុជា តែសំណាងគ្រោះថ្នាក់ទាំងអស់នោះ ត្រូវបាន ស៊ូ យ៉ាទី ជួយបាន។
ប្រកួតមិត្តភាពអន្តរជាតិលើទឹកដីឡាវ ក្រុមកម្ពុជាបានយកឈ្នះក្នុងលទ្ធផល ១-០ កាលពីល្ងាចម្សិលមិញនេះ។ ក្នុងជ័យជម្នះនោះដែរ ក្រុមទាំងសងខាងសុទ្ធតែមានឱកាសរាងខ្លួន ប៉ុន្តែឡាវមិនសំណាងរកគ្រាប់បាល់មិនបាន ខណៈដែលកម្ពុជាវិញ ខ្សែប្រយុទ្ធជើងចាស់ ឃួន ឡាបូរ៉ាវី គ្រាន់តែដូរចូលភ្លាម មិនបានប៉ុន្មានរកគ្រាប់បាល់បានភ្លាមតែម្ដង។
ចប់ការប្រកួត លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជាបានបញ្ជាក់ថាលោកពេញចិត្តចំពោះការប្រកួតនេះ ព្រោះថាឈ្នះឡាវមិនមែនជារឿងងាយស្រួលនោះទេ។ ក្រុមទាំងមូលប្រឹងប្រែងអស់ពីសមត្ថភាព ហើយពួកគេមានឱកាសច្រើនបង្កគ្រោះថ្នាក់លើកម្ពុជាប៉ុន្មានគ្រាប់ ប៉ុន្តែសំណាងអ្នកចាំទី ស៊ូ យ៉ាទី អាចជួយសង្គ្រោះបាន។
បន្ទាប់ពីប្រកួតនេះទៅ ក្រុមជម្រើសជាតិកម្ពុជា ត្រូវធ្វើការធ្ងន់មួយទៀត ដោយត្រូវប៉ះជាមួយក្រុមអាហ្វហ្គានីស្ថាន នាថ្ងៃទី២៧ខែមីនាឆ្នាំ២០១៨នេះ នៅទឹកដីតាជីគីស្ថាន ។ ដោយនៅទីនោះ លោក ប្រាក់ សុវណ្ណារ៉ា បារម្ភរឿងអាកាសធាតុ ព្រោះប្រទេសនេះមានសីតុណ្ហភាពជាង១០អស្សាប៉ុណ្ណោះ៕