Atletico អាចចាយដល់ខ្ទង់រយលាន ដើម្បីយក Dybala ពី Juventus
- 2018-03-22 01:48:17
- ចំនួនមតិ 0 | ចំនួនចែករំលែក 0
Atletico អាចចាយដល់ខ្ទង់រយលាន ដើម្បីយក Dybala ពី Juventus
ចន្លោះមិនឃើញ
Atletico Madrid នឹងបំបែកកំណត់ត្រានៃការទិញកីឡាកររបស់ពួកគេពីរដងឬ ប្រមាណ១០៥លានផោននៅរដូវក្ដៅនេះបើសិនជាពួកគេចង់ចុះហត្ថលេខាយក Paulo Dybala ពី Juventus។
របាយការណ៍នៅប្រទេសអេស្ប៉ាញបាននិយាយថាលោក Diego Simeone បានទទួលទានអាហារពេលល្ងាចនៅភោជនីយដ្ឋានតែមួយជាមួយ Dybala តែគ្មាននរណាដឹងថាវាជារឿងចៃដន្យ ឬក៏ជាការណាត់ជួបនោះទេ។
ប្រភពព័ត៌មានផ្សេងទៀតអះអាងថាអ្នកទាំងពីរបានចំណាយពេលយ៉ាងយូរពិភាក្សាគ្នា។ Simeone ដែលជាជនរួមជាតិអាហ្សង់ទីនចង់បានខ្សែប្រយុទ្ធវ័យ២៤ឆ្នាំទៅជំនួស Griezmann ដែលទំនងជាទៅ Barcelona នៅរដូវកាលក្រោយ។
គួរបញ្ជាក់ថាសមាជិកក្រុមជម្រើសជាតិអាហ្សង់ទីននឹងប្រមូលម្ដុំនៅទីលានហ្វឹកហាត់របស់ Real Madrid មុនប្រកួតមិត្តភាពជាមួយអេស្ប៉ាញនៅកីឡដ្ឋាន Metropolitano របស់ Atleticoនៅថ្ងៃទី២៧ ខែមិនា៕