Drogba ថា Messi មិនទាន់ល្អដល់ Maradona និង Pele ព្រោះមូលហេតុមួយ
- 2018-03-22 03:46:24
- ចំនួនមតិ 0 | ចំនួនចែករំលែក 0
Drogba ថា Messi មិនទាន់ល្អដល់ Maradona និង Pele ព្រោះមូលហេតុមួយ
ចន្លោះមិនឃើញ
Didier Drogba ជឿជាក់ថា Lionel Messi គឺជាកីឡាករកំពូលបំផុតមួយរូបនាបាល់ទាត់សម័យទំនើបបច្ចុប្បន្នប៉ុន្តែមិនទាន់អាចឈានដល់កម្រិតវីរបុរស Maradona និង Pele នៅឡើយទេ។
អតីតខ្សែប្រយុទ្ធឆ្នើម Chelsea អះអាងដូច្នេះក្រោមហេតុផលមួយព្រោះ Maradona និង Pele ធ្លាប់នាំភាពជោគជ័យដ៏ធំធេងដល់ប្រទេសគឺជួយឲ្យអាហ្សង់ទីន និងប្រេស៊ីលឈ្នះពានរង្វាន់បាល់ទាត់ពិភពលោកស្របពេល Messi មិនទាន់អាចធ្វើបាននៅឡើយ។
"ការឈ្នះ World Cup នឹងធ្វើឲ្យ Messi កាន់តែល្បីល្បាញថែមទៀត។ គេគឺជាកីឡាករដ៏អស្ចារ្យម្នាក់ ទោះជាមិនទាន់ឈានដល់កម្រិត Diego និង Pele តែ Messi ក៏មិនស្ថិតនៅឆ្ងាយពេកដែរ"។ Drogba និយាយដូច្នេះ។
World Cup នៅរុស្ស៊ីអាចជាឱកាសចុងក្រោយដែលខ្សែប្រយុទ្ធឆ្នើម Barcelona បន្សល់ទុកពានរង្វាន់ធំជាមួយជម្រើសជាតិ ដោយសារ World Cup លើកក្រោយនៅកាតាររូបគេនឹងមានអាយុ៣៥ឆ្នាំ ខណៈវ័យនោះជាពេលកីឡាករជាច្រើនតែងចូលនិវត្តន៍៕