ចាញ់បោកអីតែនៅខ្មែរ សូម្បីវៀតណាមក៏ត្រូវគេបោកបានរឿងពាក្យ "BFF”

2018-03-22 04:00:33
ចំនួនមតិ 0 | ចំនួនចែករំលែក 0

ចន្លោះមិនឃើញ

មានអ្នកប្រើប្រាស់បណ្ដាញសង្គម Facebook នៅកម្ពុជា មិនតិចទេដែលបានចាញ់បោកនឹងការបង្ហោះព័ត៌មានមិនពិតទាក់ទងនឹងការ Comment ពាក្យថា "BFF”។

សារបោកបញ្ឆោតដែលចែករំលែកនៅកម្ពុជា

មិនមែនតែនៅកម្ពុជានោះទេ សូម្បីតែនៅប្រទេសវៀតណាមឯណោះក៏មានមនុស្សជាច្រើនជឿស៊ប់នឹងដំណឹងបោកប្រាស់នេះ ដោយមានការចែករំលែកតៗគ្នាជាច្រើន។ ក្រៅពីវៀតណាម និង កម្ពុជា អ្នកប្រើប្រាស់ក្នុងប្រទេសដទៃទៀតក៏បានចាញ់បោកនឹងដំណឹងនេះដែរ។

គួរដឹងថា "BFF” ជាពាក្យកាត់មកពីពាក្យ "Best Friend Forever” នៅពេលដែលសរសេរលើ Facebook វានឹងប្ដូរពណ៌ ហើយថែមទាំងមានលោត Animation ចេញមកទៀតផង។ គណនីដែលសរសេរពាក្យនេះហើយ មិនមានប្ដូរពណ៌ មិនមានន័យថាគណនីនោះត្រូវគេ Hack បាននោះទេ។

សារបោកបញ្ឆោតជាភាសាអង់គ្លេស

អ្នកជំនាញផ្នែកសុវត្ថិភាពម្នាក់បានប្រាប់ Sabay ឲ្យដឹងថា នេះគ្រាន់តែជាវិធីបោកយក Like និង Share ដើម្បីឲ្យបានឡើង Like Pages តែប៉ុណ្ណោះ វាមិនប៉ះពាល់គណនីដល់ថ្នាក់គេលួចយកហ្វេកប៊ុកបាននោះទេ៕

ចុចអាន៖

ប្រភព៖ vnexpress ប្រែសម្រួល៖ សុខហេង