សប្ដាហ៍នេះ សិល្បករជើងចាស់២រូប ធ្លាក់ខ្លួនឈឺដល់ថ្នាក់់សង្គ្រោះបន្ទាន់ ស្ថានភាពយ៉ាងណាហើយ?
- 2018-03-22 04:46:55
- ចំនួនមតិ 0 | ចំនួនចែករំលែក 0
សប្ដាហ៍នេះ សិល្បករជើងចាស់២រូប ធ្លាក់ខ្លួនឈឺដល់ថ្នាក់់សង្គ្រោះបន្ទាន់ ស្ថានភាពយ៉ាងណាហើយ?
ចន្លោះមិនឃើញ
សប្ដាហ៍ទី៣នៃ ខែ មីនា ឆ្នាំ ២០១៨នេះ មានសិល្បករជើងចាស់២រូបចូលសង្គ្រោះបន្ទាន់នៅមន្ទីរពេទ្យ ដោយជំងឺផ្សេងៗគ្នា ក្នុងនោះ មានតារាកំប្លែង នាយ សាន ម៉ៅ និងតារាចម្រៀងលោក ហួរ ឡាវី។
១.នាយ សាន ម៉ៅ
ដំបូងគេគឺតារាកំប្លែងនាយ សាន ម៉ៅ លោកធ្លាក់ខ្លួនឈឺយ៉ាងធ្ងន់ ដោយចូលសង្គ្រោះបន្ទាន់នៅមន្ទីរពេទ្យ កាល់ម៉ែត្រ កាលពីថ្ងៃទី១៧ ខែមីនា ឆ្នាំ២០១៨ ដោយជំងឺទឹកក្នុងសួត បេះដូង និងជំងឺទឹកនោមផ្អែម។ បន្ទាប់បានដឹងពីតារាកំប្លែងរូបនេះ ចូលសម្រាកនៅមន្ទីរពេទ្យ គេឃើញមាន សិល្បករសិល្បៈការិនីទៅសួរសុខទុក្ខជាច្រើន ដូចជា នាយកុយ នាយក្រឹម លោក អ៊ឹម ជីវ៉ា ជាដើម។ គិតមកដល់ពេលនេះ អាការៈជំងឺរបស់ នាយសាន ម៉ៅ នៅមិនជានៅឡើយទេ ដោយលោកកំពុងតែសម្រាកនៅមន្ទីរពេទ្យនៅឡើយ។
២.តារាចម្រៀង ហួរ ឡាវី
បន្ទាប់មក គឺតារាចម្រៀង ជើងចាស់ លោក ហួរ ឡាវី ។ កាលពីយប់មិញ តារាចម្រៀងសំឡេងស្អករូបនេះ ត្រូវបានក្រុមគ្រួសារបញ្ជូនទៅមន្ទីរពេទ្យឯកជនមួយ ដើម្បីសង្គ្រោះបន្ទាន់ទាំងយប់ ដែលធ្វើឲ្យទស្សនិកក្នុងបណ្តាញសង្គមហ្វេសប៊ុកមានការព្រួយបារម្ភ។ តាមការឲ្យដឹងពីសាមីខ្លួន លោកមានជំងឺរលាកបំពង់ក ដែលអាការៈក្ដៅខ្លួនខ្លាំង ទ្រាំមិនបានក៏សម្រេចចូលសម្រាកពេទ្យតែម្ដង ប៉ុន្តែក្រោយពីបានឲ្យពេទ្យចាក់ថ្នាំ ២ទៅ ៣ ម្ជុលមក ជំងឺរបស់លោកបានធូរស្រាលវិញហើយ។ បច្ចុប្បន្នលោក ហួរ ឡាវី បានប្រាប់ថា លោកបានមកសម្រាកព្យាបាលនៅផ្ទះវិញ ដោយសុខភាពរបស់លោកវិលមកសភាពដើមវិញហើយ៕