ឈាមជ័រខ្មែរមិនអន់ឡើយ! និស្សិតខ្មែរទី១ប្រាប់ពីគន្លឹះ៥ចំណុច អាចរៀនសាលាពេទ្យល្បីនៅកូរ៉េ
- 2018-03-22 04:44:27
- ចំនួនមតិ 0 | ចំនួនចែករំលែក 0
ឈាមជ័រខ្មែរមិនអន់ឡើយ! និស្សិតខ្មែរទី១ប្រាប់ពីគន្លឹះ៥ចំណុច អាចរៀនសាលាពេទ្យល្បីនៅកូរ៉េ
ចន្លោះមិនឃើញ
ជានិស្សិតខ្មែរទី១ ដែលមានសមត្ថភាពខ្លាំងមិនធម្មតាលោក ពុធ សៅ មានឱកាសជាបន្តបន្ទាប់ឈរជើងជាប់រៀនតស៊ូតាំងពីថ្នាក់អនុបណ្ឌិតរហូតដល់ថ្នាក់បណ្ឌិតនៅសកលវិទ្យាល័យល្បីឈ្មោះដែលមានដៃគូសកលវិទ្យាល័យប្រមាណជា១៥២ប្រទេសក្នុងពិភពលោក។ បច្ចុប្បន្នលោកពុធ សៅកំពុងសិក្សាថ្នាក់បណ្ឌិតឆ្នាំទី៣ផ្នែកស្រាវជ្រាវវ៉ាក់សាំងនៅឯសកលវិទ្យាល័យChonnam National University National Medical ក្នុងទីក្រុងខ្វាងជូរ នៃសាធារណរដ្ឋកូរ៉េខាងត្បូង។
ពុធ សៅ បានរំលឹកពីអ្វីដែលលោកចងចាំមិនភ្លេច គឺលោកជានិស្សិតខ្មែរទី១ហើយ ដែលមានវាសនា បូកផ្សំនិងសមត្ថភាពខ្លាំងទើបបានមកដល់ទីនេះ។ ពុធ សៅ និយាយថា មានការប្រឡងប្រជែងច្រើនដងច្រើនសារ និងការសម្ភាសយ៉ាងស្វិតស្វាញ ទើបខាងភាគីសាលាកូរ៉េជ្រើសរើសមុនឲ្យជិះយន្តហោះទៅរៀនអាហារូបករណ៍នៅស្រុកគេ។
មានគន្លឹះសំខាន់៥ចំណុចដែលអនាគតវេជ្ជបណ្ឌិតកាន់សញ្ញាប័ត្របណ្ឌិត ពីស្រុកគេចង់ចែករំលែកពិសេសទៅកាន់យុវជនឲ្យមានកម្លាំងចិត្ត។
១.តស៊ូមានរៀនសូត្រមានភាពជឿជាក់និងស្មោះត្រង់
កុំដេកដួលតាមក្រ គឺត្រូវពង្រឹងខ្លួនឯងឲ្យខ្លាំងខំរៀនទ្បើងបើចង់បានជីវភាពធូរធារជាងមុន។
២.រៀនភាសាបរទេសឲ្យពូកែប្រើផ្លូវការបាន
និយាយទៅគឺត្រូវខ្លាំងប្រើប្រាស់បានពិសេសភាសាអង់គ្លេសឬ ភាសាដទៃទៀតក៏ដោយទើបអាចរៀនស្រុកគេកើតមិនមែនលំៗទេឬចេះស្ទាក់ស្ទើរទេ។
៣.រើសមុខវិជ្ជាដែលខ្លួនស្រលាញ់
សំខាន់ណាស់បើរៀនគឺត្រូវដាក់ចិត្តរៀនឲ្យច្បាស់កុំរៀនតាមគ្នាបើមិនចង់ខាតពេលឈប់កណ្ដាលទីទៅមុខលែងរួចនាំខ្មាសគេ។
៤.ស្រាវជ្រាវព័ត៌មានឲ្យច្រើន
ជាដំបូងត្រូវចូលទៅគេហទំព័រឬPage Facebookផ្លូវការរបស់សាលាដែលយើងចង់ទៅរៀនបន្តដើម្បីស្រាវជ្រាវនិងដឹងព័ត៌មានឲ្យបានច្រើន។បន្ទាប់មកអាចស្វែងរកព័ត៌មានពាក់ព័ន្ធផ្សេងទៀតបន្ថែម។
៥.រកសិស្សច្បងឬអ្នកធានា
សំខាន់ណាស់គឺដាចខាតត្រូវមានគេសាក្សីដឹងលឺពីសមត្ថភាពរបស់យើងទើបងាយទទួលបានអាហារអាហារូបករណ៍ល្អៗ។ចំណុចនេះគឺផ្ដើមខ្លួនឯងត្រូវមានភាពតស៊ូការទទួលខុសត្រូវខ្ពស់និងមានភាពស្មោះត្រង់ទើបអ្នកដទៃគេចូលចិត្តនិងស្រលាញ់រាប់អាន៕
សូមទស្សនាវីដេអូខាងក្រោមនេះ៖