អស់សំណើច! តួរឿង "Home Alone” បង្ហើបអាយុអស់ហ្ស៊ីនក្នុងកម្មវិធី១

2018-03-22 07:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិតជាមិនអន់ប៉ុន្មានទេតារាសម្ដែង Macaulay Culkin ដែលយើងស្គាល់ថាធ្លាប់សម្ដែងក្នុងរឿង "Home Alone” នោះសារភាពថាអស់ភាពបរិសុទ្ធតាំងពីមុនអាយុ១៨ឆ្នាំមកម្ល៉េះ។

តារាវ័យ ៣៧ឆ្នាំរូបនេះត្រូវបានសម្ភាសន៍ដោយតារាសម្ដែង Anna Faris ក្នុងកម្មវិធី "Anna Faris Is Unqualified” កាលពីដើមសប្ដាហ៍នេះ ដោយបាននិយាយក្ដែងៗថាខ្លួនអស់ហ្សីនតាំងពីអាយុ ១៥ឆ្នាំ។

នៅពេលនោះរឿងរបស់លោកចំណងជើងថា "Richie Rich” ទើបតែបញ្ចេញ មុនពេលលោកផ្អាកអាជីពសម្ដែងអស់រយៈពេលជិតមួយទសវត្សរ៍។

ដំណើរដើមទងនៃការសម្ភាសន៍នោះគឺនៅពេល Anna បានសាកសួរថា នៅអាយុប៉ុន្មានដែល Culkin គិតថាល្អ ចំពោះកូនលោកចាប់ផ្ដើមប្រឡូកក្នុងការរួមភេទ។ ពេលនោះ Culkin ស្រាប់តែឆ្លើយដូច្នេះថា៖ "ខ្ញុំមានអាយុប្រហែលជា ១៥ឆ្នាំពេលអស់ភាពបរិសុទ្ធ ហើយនេះគឺជាអាយុក្មេងបំផុតហើយដែលខ្ញុំយល់ព្រមឲ្យកូនៗខ្ញុំចាប់ផ្ដើមប្រឡូក។ ព្រោះជាធម្មតាទេ ខ្ញុំចង់ឲ្យពួកគេមានសិទ្ធសេរីភាពលើខ្លួនឯង។"

ប៉ុន្តែតារារូបនេះក៏ឆ្លើយបែបលេងសើចថា៖ "យកល្អពួកគេគួរតែចាំរហូតដល់អាយុយ៉ាងតិច៣២ឆ្នាំ ចាំរៀបការហើយចាំចាប់ផ្ដើមធ្វើរឿងហ្នឹង៕"