Pope និង Bella ញ៉ាមចង់សម្ដែងរឿងថ្មីជាមួយគ្នាទៀត
- 2018-03-22 23:25:00
- ចំនួនមតិ 0 | ចំនួនចែករំលែក 0
Pope និង Bella ញ៉ាមចង់សម្ដែងរឿងថ្មីជាមួយគ្នាទៀត
ចន្លោះមិនឃើញ
ត្បិតជាលើកដំបូងក្នុងការសម្ដែងរឿងភាគជាមួយគ្នា តែ Pope និង Bella មានភាពជិតស្និទ្ធនឹងគ្នា ពិសេសសមគ្នាឥតខ្ចោះ ធ្វើឲ្យទស្សនិកជនអត់ទ្រាំមិនសរសើរមិនបាន។
ថ្ងៃទី ២១ ខែមីនាម្សិលមិញ តួប្រុសស្រីក្នុងរឿងភាគបុរាណដ៏ល្បី "បុព្វេសន្និវាស" បានចូលរួមក្នុងកម្មវិធីមួយជាមួយគ្នាជាលើកដំបូង ដោយបានបង្ហើបពីអារម្មណ៍រីករាយដែលមានឱកាសបានធ្វើការជាមួយគ្នា។ អ្នកទាំង ២បានអរគុណយ៉ាងជ្រាលជ្រៅទៅកាន់អ្នកគាំទ្រ សម្រាប់ការលើកទឹកចិត្ត និងគាំទ្រពួកគេ។
រីឯសម្រាប់រឿងភាគក្រោយៗ Pope និង Bella មិនទាន់មានផលិតករណាទាក់ទងឲ្យថតរួមគ្នាទេពេលនេះ ព្រោះកាលវិភាគការងាររបស់ Bella ពេញទៅហើយ។ ទោះជាយ៉ាងណាតួឯកប្រុសស្រីទាំង ២បានបញ្ជាក់ថា ខ្លួនពិតជាចង់រួមសម្ដែងជាមួយគ្នានៅរឿងក្រោយៗទៀត ព្រោះថាពេលនេះពួកគេមានភាពជិតស្និទ្ធនឹងគ្នាណាស់ឥឡូវ។
គួរបញ្ជាក់ផងដែរ ភាពយន្ត១រឿងនេះ ទទួលបានការគាំទ្រកាន់តែច្រើនឡើងៗ។ ក្នុងនោះសម្រាប់អ្នកទស្សនាដែលមិនមែនជាជនជាតិថៃ ឬមិនចេះភាសាថៃក៏ជក់ចិត្តតាមដានដែរ ព្រោះអ្នកគាំទ្រមួយចំនួនបានបកប្រែជាភាសាផ្សេងៗ ដើម្បីងាយស្រួលក្នុងការទស្សនា។ ទាក់ទងនឹងចំណុចនេះ Bella បាននិយាយថា នាងបានឃើញវីដេអូដែលមានបកប្រែភាសាទាំងនោះរួចហើយ ហើយនាងពិតជាអរគុណដល់អ្នកដែលបានរៀបចំវីដេអូបកប្រែទាំងនោះឡើង។ តារាស្រីរូបនេះពិតជាមានក្ដីរីករាយ និងមានមោទនភាពបំផុតដែលបានក្លាយជាផ្នែកមួយក្នុងរឿងភាគដ៏ល្បីនេះ៕