នីឡា ទម្លាយទំនាក់ទំនងជាមួយអតីតគូដណ្ដឹងក្រោយផ្ដាច់ពាក្យ

2018-03-22 08:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាតារាកំប្លែងវ័យក្មេងសាច់សខ្ចីកញ្ញា នីឡា បានបែកគ្នាជាមួយអតីតគូដណ្ដឹងទៅហើយក្ដី តែមិនបានកាត់ផ្ដាច់ទំនាក់ទំនងឡើយ។ ផ្ទុយទៅវិញ នាង និងអតីតគូដណ្ដឹងបែរជាមកស្រឡាញ់រាប់អានគ្នាដូចបងប្អូន។

នីឡា បានលើកឡើងថា ចាប់តាំងពីផ្ដាច់ពាក្យជាមួយ ផន រង្សី រួចមកខ្លួនគ្មានរឿងអ្វីល្អក់កករ ឬឈ្លោះទាស់ទែងដល់ថ្នាក់មិននិយាយរកគ្នានោះទេ។ នាង និងក្រុមគ្រួសារខាងគូដណ្ដឹងនៅតែមានទំនាក់ទំនងល្អជាមួយគ្នាជានិច្ច មិនអាចកាត់ផ្ដាច់ការទាក់ទង ព្រោះតែកូនៗមិនបានរៀបការជាមួយគ្នា។

កូនស្រីតាវ៉ិចទ័ររូបនេះរៀបរាប់ថា៖" ពេលផ្ទះបង រង្សី គាត់មានកម្មវិធីអ្វីមួយនៅតែហៅខ្ញុំ និងប៉ាម៉ាក់ទៅចូលរួមជានិច្ច ហើយគ្រួសារខាងខ្ញុំក៏ដូចគ្នាពេលមានកម្មវិធីក៏អញ្ជើញក្រុមគ្រួសារបង រង្សី មកចូលរួមដូចគ្នា។ បើពួកយើងមិនបានរៀបការជាមួយគ្នាហើយ មានតែស្រឡាញ់រាប់អានគ្នាដូចបងប្អូនទៅ"។

ចំណែកឯកំលោះរូបសង្ហាធ្លាប់ថតវីដេអូបង្ហោះលើបណ្ដាញទំនាក់ទំនងសង្គម ហៅឈ្មោះ នីឡា អូនសម្លាញ់ពេញៗមាត់ នៅសមុទ្រនោះ នាង សុំមិនបញ្ជាក់ថាជាគូស្នេហ៍ថ្មី ឬមិត្តភ័ក្ដិនោះទេ អ្វីគ្រប់យ៉ាងទុកឲ្យពេលវេលាជាអ្នកបង្ហាញ។

នីឡា និង គូដណ្ដឹងឈ្មោះ ផន រង្សី បានភ្ជាប់ពាក្យកាលពីថ្ងៃទី ១៩ ខែ ឧសភា ឆ្នាំ ២០១៦ កន្លងទៅ ប៉ុន្តែគួរឲ្យស្ដាយចំណងស្នេហ៍មួយនេះត្រូវបានបញ្ចប់ទៅវិញនៅចុងឆ្នាំ ២០១៧ ៕

ចុចអាន៖បុរសសង្ស័យគូស្នេហ៍ នីឡា ចេញវីដេអូផ្អែមល្ហែមជាមួយគ្នា

អត្ថបទ៖ ឆុង ស៊ីណាន