នាយ ប៊ឺត ចូលរោងការជាមួយកូនក្រមុំរូបស្រស់ ឯអ្នកកំដរវិញសុទ្ធតែប្រុសស្អាត

2018-03-23 03:07:25
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែង និងជាតារាចម្រៀងនាយប៊ឺត កាលពីថ្ងៃទី ២២ ខែមីនាឆ្នាំ២០១៨ បានសម្រេចលាភាពកំលោះគ្មានស្រណោះ ដោយបណ្ដើរកូនក្រមុំរូបស្រស់ ចូលរោងជ័យហើយ ។

ក្រោមការដឹងលឺពី សាច់ញាតិម្តាយឪពុកទាំងសងខាង លោក វ៉ាន់ វណ្ណៈ ហៅ នាយប៊ឺត បានចូលរោងជ័យ ជាមួយកូនក្រមុំ រូបស្អាត តន ម៉ាឡែន ស្រុកកញ្ច្រៀច ខេត្តព្រៃវែង។

អ្នកនាង តន ម៉ាឡែន

កូនកំលោះរូបនេះបាន បង្ហើប ប្រាប់Sabay ថា មុនឈានដល់ថ្ងៃចូលរោងជ័យនេះលោកបាន សិក្សានិងមើលចិត្តគ្នាអស់រយៈពេល ជាង២ឆ្នាំ ហើយឃើញថាចរិតនាងល្អនិងចេះយល់ពីគ្នាទៅវិញទៅមកដែលអាចរួមដំណើរជីវិតបាន។ នាយប៊ឺត៖ « ខ្ញុំស្គាល់គ្នាតាមរយៈមិត្តភក្តិ ហើយក្រោយមកក៏សាកល្បងមើលចិត្តគ្នា ។ ពេលសិក្សាចិត្តគ្នាទៅ ខ្ញុំឃើញថាគាត់ជាមនុស្សល្អ ចិត្តល្អ ចិត្តបាន និងជាមនុស្សមិនចេះទុកដាក់មានគំនិត ក៏សម្រេចឲ្យចាស់ទុំចូលដណ្ដឹងទៅ។ »

តាមក៏បញ្ជាក់ពីលោក ប៊ឺត កូនក្រមុំលោក មានវ័យ២១ឆ្នាំនិងកំពុងសិក្សាផ្នែកសម្អាង ។ ក្នុងពិធីមង្គល នេះលោកបានអញ្ជើញភ្ញៀវចូលរួមមានប្រមាណ ជាង៥០តុ ។ ប៉ុន្តែលោកមិនបានហៅមិត្តក្នុងសិល្បៈ ច្រើនទេ ព្រោះទីតាំងឆ្ងាយពេក។ តែលោកក៏មានគម្រោងធ្វើពិធីកាត់ចំណងដៃនៅភ្នំពេញដែរ៕