គ្នាយើងជួយបោះឆ្នោតផង ដើម្បីគម្រោងអភិរក្សសត្វព្រៃកម្ពុជា ឈ្នះ បានជំនួយពីអឺរ៉ុប
- 2018-03-22 10:46:37
- ចំនួនមតិ 0 | ចំនួនចែករំលែក 0
គ្នាយើងជួយបោះឆ្នោតផង ដើម្បីគម្រោងអភិរក្សសត្វព្រៃកម្ពុជា ឈ្នះ បានជំនួយពីអឺរ៉ុប
ចន្លោះមិនឃើញ
សមាគមអភិរក្សសត្វព្រៃអឺរ៉ុប ហៅកាត់ថា (EOCA) បានបង្កើតការបោះឆ្នោតមួយសម្រាប់គម្រោងអភិរក្សសត្វព្រៃចំនួន ៥ នៅក្នុងប្រទេសផ្សេងៗគ្នា។ លើសពីនេះទៀត គម្រោងដែលទទួលបានការបោះឆ្នោតច្រើនជាងគេ នឹងទទួលបានជំនួយមូលនិធិពីសហគមន៍ខាងលើ។ ការបោះឆ្នោត រាប់ចាប់គិតពីថ្ងៃទី ៩ ដល់ ២៣ មីនា ស្អែកនេះ ហើយលទ្ធផលក៏នឹងប្រកាសក្រោយកាលកំណត់តាមហ្នឹងដែរ។ គម្រោងដែលស្ថិតក្នុងការប្រកួតប្រជែងស្វែងរកជំនួយ ជាមួយកម្ពុជា មានមកពី កូឡុំប៊ី ប៊ូស្នៀរ និងប្រទេស ស៊ីលី។
ក្នុងនោះ គម្រោងអភិរក្សសត្វព្រៃមួយក្នុងប្រទេសកម្ពុជា របស់អង្គការ សម្ព័ន្ធភាពសត្វព្រៃ (Wildlife Alliance) ក៏បានចូលរួមក្នុងការបោះឆ្នោតនេះផងដែរ។ គម្រោងនេះមានឈ្មោះថា "ជីវភាពរស់នៅប្រកបដោយនិរន្តរភាព និងវិស័យទេសចរណ៍" ដែលគ្របដណ្ដប់ផ្ទៃដី ១,៧ លានហិកតារនៃឧទ្យានជាតិភ្នំក្រវាញ។ ដោយសារតែតំបន់នេះ ជាជម្រកនៃរុក្ខជាតិ និងសត្វដែលរងការគំរាមកំហែងរួមទាំង សត្វដំរីអាស៊ី, សត្វពង្រូល និងខ្លាឃ្មុំម៉ាឡេជាដើម។ ការគំរាមកំហែងធ្ងន់ធ្ងរបំផុតចំពោះសត្វព្រៃទាំងនេះ គឺប្រជាជនក្នុងតំបន់ រួមទាំងក្រុមអ្នកបរបាញ់ដោយកាំភ្លើង និងជាពិសេសការដាក់អន្ទាក់។
ប្រសិនបើគម្រោងនេះឈ្នះការបោះឆ្នោត និង ទទួលបានជំនួយពី EOCA ពួកគេមានលទ្ធភាពពង្រឹងច្បាប់សត្វព្រៃដែលមានស្រាប់ និងបន្តផ្តល់ការអប់រំដល់សហគមន៍ និងអ្នកទេសចរក្នុងតំបន់។
តាមរយៈសកម្មភាពទាំងនេះ នឹងធានាដល់សុវត្ថិភាពនៃតំបន់ព្រៃនេះដើម្បីកាត់បន្ថយការបរបាញ់ និងបង្កើតជម្រកសត្វព្រៃទៀតផង។ ជាមួយគ្នាផងដែរ ក្រុមល្បាតនឹងយកជំនួយទាំងនោះទៅជួសជុលផ្លូវលំប្រវែង ២០០ គីឡូម៉ែត្រដែលជាផ្នែកមួយនៃគម្រោងគាំទ្រដល់គ្រួសារចំនួន ៣៤០ ទៅ ៦៣២ ដែលរស់នៅក្នុងតំបន់ជីផាត។ មូលនិធិ EOCA ក៏នឹងផ្ដល់មូលនិធិដល់ប្រភេទសត្វដែលត្រូវបានជួយសង្គ្រោះផងដែរ។
សូមចូមរួមបោះឆ្នោត លើគម្រោងអង្គការសម្ព័ន្ធសត្វព្រៃ (Wildlife Alliance) តំណាងពីកម្ពុជា ដោយចុចលើតំណខាងក្រោម បន្ទាប់មកចុចលើពាក្យ Vote (បោះឆ្នោត) ធីកយកក្នុងប្រអប់យល់ព្រមលើលក្ខខណ្ឌកៈ រួចចុចលើពាក្យ Cast to Vote។ សូមមើលរូបខាងក្រោមជាជំនួយ។
លោកអ្នកអាចចូលរួមបោះឆ្នោតសម្រាប់គម្រោងនេះតាមរយៈតំណខាងក្រោម ៖
Sustainable Livelihoods and Tourism, Cambodia
បញ្ជាក់ ៖ ការបោះឆ្នោតនេះនឹងបញ្ចប់នៅថ្ងៃស្អែកវេលាម៉ោង ៧ ល្ងាច។