តួអង្គក្នុងរឿងបុព្វេសន្និវាស លាតត្រដាងចំណុចចាប់ផ្ដើមសិល្បៈ រហូតដល់ល្បីរៀងខ្លួន
- 2018-03-22 11:39:55
- ចំនួនមតិ 0 | ចំនួនចែករំលែក 0
តួអង្គក្នុងរឿងបុព្វេសន្និវាស លាតត្រដាងចំណុចចាប់ផ្ដើមសិល្បៈ រហូតដល់ល្បីរៀងខ្លួន
ចន្លោះមិនឃើញ
ជាធម្មតា តារាល្បីៗតែងធ្លាប់ឆ្លងកាត់រឿងរ៉ាវជាច្រើន មុននឹងឈានក្លាយជាតារាល្បីល្បាញដូចសព្វថ្ងៃ។
ខាងក្រោមនេះ ជាចំណុចចាប់ផ្ដើមប្រឡូកក្នុងពិភពសិល្បៈរបស់តួអង្គមួយចំនួនក្នុងរឿងកំពុងល្បី "បុព្វេសន្និវាស"៖
១. តារាសម្ដែង Pope Thanawat
តារាឯកប្រុសរូបនេះ ចាប់ផ្ដើមចាប់អាជីពដំបូង ដោយសម្ដែងជាតួរាយរងធម្មតាក្នុងរឿង King Naresuan ភាគទី៣។ ក្រោយមក តារារូបនេះ ក៏មានឱកាសសម្ដែងជាតួប្រុសរងក្នុងរឿងភាគទូរទស្សន៍ថៃប៉ុស្តិ៍៣បានច្រើនគួរសមដែរ មុននឹងបានឡើងសម្ដែងជាតួឯកប្រុស។
២. តារាសម្ដែង Bella Ranee
តារាឯកស្រីរូបនេះ ចាប់ការងារសិល្បៈដំបូង ដោយធ្វើជាទូតសុឆន្ទៈរបស់ផលិតផលម៉ាកល្បីមួយ។ បន្ទាប់ពីនោះ តារាស្រីស្រស់រូបនេះ ក៏បានជួបនឹងជំនួយការរបស់ម្ចាស់ផលិតកម្មកម្សាន្តថៃមួយ ដែលនាំ Bella Ranee ចូលសម្ដែងជាតារាសម្ដែងរបស់ស្ថានីយទូរទស្សន៍ប៉ុស្តិ៍លេខ៣ថៃ។
៣. តារាសម្ដែង Punjan Prama
តារាប្រុសរូបនេះ ផ្ដើមចូលសិល្បៈដំបូងដោយធ្វើការនៅក្នុងផលិតកម្មកម្សាន្តថៃ នៅលោកមានអាយុ២០ឆ្នាំ ដែលកាលនោះ តារារូបនេះជាសមាជិកក្នុងក្រុមបុរស Nice 2 Meet U។
៤. តារាសម្ដែង Louis Scott
តារាសម្ដែងរូបនេះ ប្រឡូកក្នុងផលិតកម្មកម្សាន្តថៃតាំងពីអាយុ៧ឆ្នាំ។ ការងារដំបូងរបស់តារារូបនេះ គឺផ្ដើមចេញពីការថតផ្សាយពាណិជ្ជកម្ម។ បន្ទាប់មកទៀត លោក Louis Scott ក៏មានឱកាសសម្ដែងភាពយន្ត និងជាអ្នកចម្រៀង។
៥. តារាសម្ដែង Susi Susira
តារាស្រីស្រស់រូបនេះ ប្រឡូកក្នុងសិល្បៈដំបូង ដោយធ្វើជាទូតសុឆន្ទៈផលិតផលម៉ាកល្បីមួយ។ បន្ទាប់មក តារារូបនេះ មានឱកាសបានសម្ដែងភាពយន្តជាច្រើន។
៦. តារាសម្ដែង Prang Kannarun
តារាស្រស់សោភារូបនេះ ប្រឡូកក្នុងផលិតកម្មកម្សាន្តថៃតាំងពីអាយុ១៧ឆ្នាំ បន្ទាប់ពីនាងចូលរួមការប្រកួតបវរកញ្ញាវ័យជំទង់ថៃនៅឆ្នាំ ២០០៧។
៧. តារាសម្ដែង Most Witsarut
តារារូបនេះ បានសម្ដែងមុនដំបូង បន្ទាប់ពីបានចូលរួមការប្រកួតតារារះថ្មីក្នុងឆ្នាំ២០១២។ រឿងដំបូងរបស់លោកគឺរឿង Nong Mai Rai Borisut ៕