គ្រាន់លេចឮរឿង Ronaldo សួរនាំពីប្រទេសចិន ប្រធានក្លឹប Real ចេញមុខបកស្រាយ
- 2018-03-22 12:07:24
- ចំនួនមតិ 0 | ចំនួនចែករំលែក 0
គ្រាន់លេចឮរឿង Ronaldo សួរនាំពីប្រទេសចិន ប្រធានក្លឹប Real ចេញមុខបកស្រាយ
ចន្លោះមិនឃើញ
ប្រធានក្លឹប Real Madrid លោក Florentino Perez បានចេញមុខទាត់ចោលពាក្យដែលថា Cristiano Ronaldo អាចចេញពីក្លឹបទៅលេងនៅចិន។
ពេលអ្នកសារព័ត៌មានសួរទាក់ទងនឹងរឿង Ronaldo សួរនាំពីប្រទេសចិន លោក Perez កាលពីថ្ងៃពុធ បានឆ្លើយទៅវិញថា៖ "ទេ! គេមិនបានសុំយើងចេញពីក្លឹបឡើយ"។
លោកប្រធានក្លឹបរូបនេះ បានបន្ត៖ "វាជារឿងធម្មតាទេ ពេលអ្នកឯងមានមិត្តនៅហុងកុង ហើយអ្នកឯងសួរមិត្តអំពីជីវិតនៅហុងកុងនោះ"។
ការថ្លែងរបស់លោក Perez ធ្វើឡើង មួយថ្ងៃប៉ុណ្ណោះ ក្រោយ លោក Luiz Felipe Scolari អតីតគ្រូបង្វឹកព័រទុយហ្គាល់ និងជាអតីតអ្នកចាត់ការក្លឹបចិន Guangzhou Evergrandeបានបង្ហើបថា ខ្សែប្រយុទ្ធ Cristiano Ronaldo បានសួរនាំខ្លួនច្រើន អំពីស្ថានភាពជីវិតនៅប្រទេសចិន។ ការណ៍នេះធ្វើឲ្យផ្ទុះពាក្យចចាមអារ៉ាមជាច្រើនដែលថា កីឡាករព័រទុយហ្គាល់ចង់ទៅចិន។
សូមបញ្ជាក់ផងដែរ Ronaldo ជាប់កុងត្រាជាមួយ Real Madrid រហូតដល់ឆ្នាំ ២០២១៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
