ក្នុងចំណោមក្លឹបធ្លាក់ពី UCL ទៅ មាន ៤ សល់ដង្ហើមក្នុង Europa League វគ្គ ៨ក្រុមលើកនេះ

2018-03-23 12:27:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងចំណោមក្លឹបទាំង ៨ដែលបានធ្លាក់ក្នុងវគ្គ Group Stage នៃ Champions League ហើយត្រូវមកលេង Europa Leagueរដូវកាលនេះ មាន ៤ ដែលនៅបន្តមានវត្តមាន។

ក្នុងរដូវកាល ២០១៧/១៨ នេះ ក្លឹបចំនួន ៨ រួមមាន CSKA Moscow, Celtic, Atletico Madrid, Sporting CP, Spartak Moscow, Napoli, RB Leipzig និងBorrussia Dortmund បានធ្លាក់ពី Champions League មកលេងកម្មវិធី Europa League វគ្គ ៣២ក្រុម។

ក្នុងនោះមានក្លឹបចំនួន ៤ ដែលបន្តលេងដល់វគ្គ ៨ក្រុម។ ក្លឹបទាំងនោះទៀតសោតសុទ្ធតែមកពីប្រទេសផ្សេងគ្នា រួមមាន ក្លឹបអេស្ប៉ាញ Atletico Madrid, ក្លឹបរុស្ស៊ី CSKA Moscow, ក្លឹបអាល្លឺម៉ង់ RB Leipzig, និង ក្លឹបព័រទុយហ្គាល់ Sporting CP។

ក្រោយចាប់ឆ្នោតកាលពីសប្ដាហ៍មុន នៅវគ្គ ៨ក្រុម Europa League ក្លឹប Atletico នឹងត្រូវប៉ះជាមួយ Sporting ខណៈ RB Leipzig ប្រកួតជាមួយក្លឹបបារាំង Marseille ហើយ CSKA Moscow ជួបក្លឹបកាំភ្លើងធំ Arsenal។

ដោយឡែក ក្លឹប ៤ ទៀតពោលគឺ Celtic, Spartak Moscow, Napoli និង Dortmund បានជ្រុះពីកម្មវិធីនេះហើយ។ ក្នុងចំណោមនោះ មាន ៣ បានធ្លាក់ក្នុងវគ្គ ៣២ ក្រុម និង ១ទៀតគឺ Dortmund បានដល់ត្រឹមវគ្គ ១៦ក្រុម។

សូមបញ្ជាក់ផងដែរថា ការប្រកួតវគ្គ ៨ក្រុម Europa League ជើងទី ១ នឹងលេងនៅថ្ងៃទី ៦ ខណៈជើងទី ២ នឹងលេងនៅថ្ងៃទី ១៣ មេសាខាងមុខ។

តើក្នុងចំណោមក្លឹបទាំង ៤ដែលធ្លាក់ Champions League រដូវកាលនេះ អាចមានមួយលើកពាន Europa League ឬទេ? មានតែចាំមើលទាំងអស់គ្នា៕

ប្រភព៖ Sky Sports ប្រែសម្រួល៖ ហ៊ីម រស្មី