បែកគ្នាជាង២០ឆ្នាំ តួឯករឿង "យុទ្ធិសិល្ប៍ឥន្ទ្រីទេព” ឆ្នាំ១៩៩៥ ទើបជួបគ្នាបាន ២ដងគត់

2018-03-23 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់២រូបដែលត្រូវមហាជនស្គាល់ច្បាស់តាមរយៈរឿងភាគល្បីមានចំណងជើងថា "យុទ្ធិសិល្ប៍ឥន្ទ្រីទេព” បានក្លាយជាដៃគូសម្ដែងដ៏ស័ក្ដិសមនឹងគ្នាតាំងពីឆ្នាំ ១៩៩៥។

ដោយសារការសម្ដែងស័ក្ដិសមបែបនេះហើយ ទើបអ្នកតាមដានរឿងនេះចង់ឲ្យតួសម្ដែងទាំង ២ គឺ Louis Koo និង Carman Lee ក្លាយជាគូស្នេហ៍នឹងគ្នាពិតប្រាកដនៅក្រៅសាច់រឿង។ ប៉ុន្តែទោះជាយ៉ាងណា ក៏ថតរឿងចប់ អ្នកទាំង ២មិនបានរក្សាទំនាក់ទំនងជិតស្និទ្ធនឹងគ្នាឡើយ។ រយៈពេលជាង ២៣ឆ្នាំកន្លងមកនេះ ពួកគេជួបគ្នាតែ ២ដងប៉ុណ្ណោះ។

តួស្រីសៀវឡុងនី ឆ្នាំ ១៩៩៥រូបនេះ បានបង្ហើបថាក្រោយរឿង "យុទ្ធសិល្ប៍ឥន្ទ្រីទេព” បានបញ្ចាំងចប់រយៈពេល ១៦ឆ្នាំ នាងបានជួបជាមួយ Louis នៅលើយន្តហោះម្ដង ហើយរំលង ៧ឆ្នាំក្រោយទើបបានជួបម្ដងទៀត។

ជាក់ស្ដែងកាលពីថ្ងៃទី ២១ ខែមីនា នៅពេល Carman បានជួបនឹង Louis នាងបានថតរូបជាមួយអតីតដៃគូ និងបង្ហោះលើបណ្ដាញសង្គម។ ក្រោយឃើញរូបទាំងនោះភ្លាម អ្នកគាំទ្រមានការភ្ញាក់ផ្អើលគ្រប់គ្នា ហើយប្រញាប់នាំគ្នាចែកចាយតៗគ្នា។ ទោះបីកន្លងទៅអស់រយៈពេលជាច្រើនឆ្នាំទៅហើយក្ដី ប៉ុន្តែសម្រាប់អ្នកគាំទ្រនៅតែផ្គូផ្គងតួប្រុសស្រីទាំង ២ ឲ្យក្លាយជាគូស្នេហ៍នឹងគ្នា ខណៈពួកគេនៅលីវដូចគ្នា៕

ចុចអាន៖

ប្រភព៖ jaynestars ប្រែសម្រួល៖ យី សុធារី