ទម្លាយថ្លៃភ្លើងនៅភ្នំពេញ និងតាខ្មៅពីចុងខែនេះ រហូតដល់ខែកុម្ភៈឆ្នាំ២០១៩
- 2018-03-23 04:19:58
- ចំនួនមតិ 0 | ចំនួនចែករំលែក 0
ទម្លាយថ្លៃភ្លើងនៅភ្នំពេញ និងតាខ្មៅពីចុងខែនេះ រហូតដល់ខែកុម្ភៈឆ្នាំ២០១៩
ចន្លោះមិនឃើញ
អាជ្ញាធរអគ្គិសនីកម្ពុជា បានបើកសម័យប្រជុំ១ កាលពីថ្ងៃទី២២ ខែមីនា ឆ្នាំ២០១៨ ដើម្បីពិនិត្យអនុម័តបន្ថយអត្រាថ្លៃលក់អគ្គិសនី នៅតំបន់ដែលប្រើប្រភពអគ្គិសនីពីបណ្តាញជាតិ សម្រាប់ខួបនៃឆ្នាំ២០១៨ (ចុងខែមីនា ឆ្នាំ២០១៨ ដល់ចុងខែកុម្ភៈ ឆ្នាំ២០១៩)។
តំបន់ផ្គត់ផ្គង់អគ្គិសនីដោយអគ្គិសនីកម្ពុជា នៅរាជធានីភ្នំពេញ និងក្រុងតាខ្មៅ ខេត្តកណ្តាល មានអត្រាថ្លៃលក់ ដូចខាងក្រោម៖
១. លំនៅឋានពលរដ្ឋកម្ពុជា
អ្នកប្រើប្រាស់ប្រភេទលំនៅឋាន ដែលប្រើមិនលើស ៥០គីឡូវ៉ាត់ម៉ោងក្នុង១ខែគឺ ៦១០រៀលក្នុង១គីឡូវ៉ាត់ម៉ោង។
អ្នកប្រើប្រាស់ប្រភេទលំនៅឋាន ដែលប្រើចាប់ពី ៥១គីឡូវ៉ាត់ម៉ោងក្នុង១ខែគឺ ៧២០រៀលក្នុង១គីឡូវ៉ាត់ម៉ោង។
អ្នកប្រើប្រាស់ប្រភេទលំនៅឋាន ដែលប្រើចាប់ពី ២០១គីឡូវ៉ាត់ម៉ោង ក្នុង១ខែគឺ ៧៥០រៀលក្នុង១គីឡូវ៉ាត់ម៉ោង។
២. អតិថិជនទូទាត់ដោយថវិការដ្ឋ និងលំនៅឋានរស់នៅរបស់បរទេស
៣. អតិថិជនមានលក្ខណៈរដ្ឋបាល ពាណិជ្ជកម្ម និងឧស្សាហកម្មទាំងអស់
អតិថិជនធុនតូច ទិញពីនាឡិកាស្ទង់តង់ស្យុងទាប ក្រោមបណ្តាញចែកចាយតង់ស្យុងទាបគឺ ៧៥០ រៀលក្នុង១គីឡូវ៉ាត់ម៉ោង។
អតិថិជនធុនមធ្យម ទិញពីនាឡិកាស្ទង់តង់ស្យុងទាបក្រោមត្រង់ស្វូររបស់អគ្គិសនីកម្ពុជាគឺ ០,១៧៨៦ដុល្លារក្នុង១គីឡូវ៉ាត់ម៉ោង។
អតិថិជនធុនមធ្យម ទិញពីនាឡិកាស្ទង់តង់ស្យុងទាប ក្រោមត្រង់ស្វូររបស់អតិថិជនវិនិយោគគឺ ០,១៧០៦ដុល្លារ ក្នុង១គីឡូវ៉ាត់ម៉ោង។
អតិថិជនធុនធំ ទិញពីនាឡិកាស្ទង់តង់ស្យុងមធ្យម ដែលដាក់នៅផ្នែកតង់ស្យង់មធ្យមគឺ ០,១៦៥០ដុល្លារក្នុង ១គីឡូវ៉ាត់ម៉ោង។
អតិថិជនធុនដុំ ទិញពីនាឡិកាស្ទង់តង់ស្យុង ដែលដាក់នៅទ្វារចរន្តតង់ស្យុងមធ្យមនៃអនុស្ថានីយ៍គឺ ០,១៤៧៥ដុល្លារក្នុង១គីឡូវ៉ាត់ម៉ោង៕
Sabay ត្រូវការរើស Marketing Consultant។ បើមានចំណាប់អារម្មណ៍សូមផ្ញើ CV មក hr@sabay.com ឬចូលទៅកាន់ https://goo.gl/j3UhbY