ញាក់សាច់! មើលវីដេអូបង្ហាញការពិតពីក្រោយភាពយន្តប្រើ Visual Effects របស់យុវជនខ្មែរម្នាក់

2018-03-23 08:30:24
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជន លីម ហេង ដែល Sabay ធ្លាប់ចុះផ្សាយពីការងារបង្កើតភាពយន្ត ឬវីដេអូខ្លីៗ បែបបច្ចេកៈវិទ្យា ឬជារឿងប្រភេទរឿង Sci-fi បច្ចុប្បន្នកំពុងត្រូវប៉ាន់ នឹងការងារផលិតវីដេអូ VFX (Visual Effects) ឱ្យផលិតកម្មភាពយន្តខ្នាតធំ។

លីម ហេង បានជួយធ្វើឱ្យរឿងបែបបុរាណមួយល្បីខ្លាំងកាលដើមឆ្នាំ ២០១៨នេះ ហើយនឹងកំពុងបន្តការងារថតភាពយន្តដែលត្រូវការ Visual Effects ឱ្យផលិតកម្មធំមួយទៀតកំពុងថតនៅខេត្តកោះកុង។

លីម ហេង ប្រាប់ Sabay ឱ្យដឹងថា គ្រប់ភាពយន្តបច្ចុប្បន្ន តិច ឬច្រើន ការប្រើប្រាស់ Visual Effects គឺជាការលើកសាច់រឿងឱ្យដូចការពិត មិនមានគ្រោះថ្នាក់ដល់ការសម្តែង ហើយវាជួយលុប ឬច្នៃកន្លែងខុសឆ្គងនៅក្នុងភាពយន្តឱ្យប្រសើរឡើងវិញ។ «Visual Effects ដូចជាការធ្វើឱ្យការស្រមៃរបស់យើងក្លាយជាការពិត និងបង្កើតរូបភាពដែលអ្នកដឹកនាំរឿងចង់បាន លើសពីការរៀបដោយដៃ កុំព្យូទ័រ និងជំនាញរបស់អ្នកផលិត ជួយធ្វើឱ្យភាពយន្តនោះមានលក្ខណៈពិសេស» លីម ហេង បញ្ជាក់។

យុវជនម្នាក់នេះបន្តទៀតថា ការរៀបចំ Visual Effects ត្រូវសិក្សាពីប្លង់ និងទីផ្ដើម ឬទីបញ្ចប់នៃឈុតនីមួយៗ ឱ្យបានច្បាស់ និងប្រើពេលវេលាច្រើន។ ពិសេសក្រុមផលិត Visual Effects ត្រូវពិភាក្សាជាច្រើនទៀតជាមួយអ្នកដឹកនាំរឿង ព្រោះវាអាចចេញមកភ្លាវ ឬមិនសម ដែលនេះជាឧបសគ្គធំក្នុងពេលបង្កើតភាពយន្តមួយ។

លើសពីនេះទៀត ភាពយន្តទាំងមូល បើមានកន្លែងភ្លាវហើយ ភាពយន្តទាំងស្រុងនឹងត្រូវបរាជ័យ ព្រោះទស្សនិកជនមិនដឹងពីឧបសគ្គរបស់អ្នកផលិតទេ។ យុវជនវ័យ២៥ឆ្នាំរូបនេះ អះអាងថា ទស្សនិកជនភាគច្រើនរំពឹងខ្ពស់លើខ្សែភាពយន្ត ដល់ពេលគុណភាពខ្សែភាពយន្តមិនល្អដូចការរំពឹងទុក នោះពួកគេអាចនឹងបង្អាប់សាច់រឿងរហូត លីម ហេង បន្ថែម៕