VJ Anbe បញ្ជាក់រឿងឡើងលើគ្រែជាមួយនារីម្នាក់១យប់ ៣ ទៅ៤ដង

2018-03-23 05:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ VJ Anbe ពិធីករដ៏មានប្រជាប្រិយភាពម្នាក់ប្រចាំនៅទូរទស្សន៍ CTN និង MY TV ត្រូវបាននារី ម្នាក់បង្ហោះសារថា លោក និងរូបនាងធ្លាប់ឡើងគ្រែជាមួយគ្នាក្នុង ១យប់រួមរ័ក ៣ ទៅ ៤ ដងទើបលោកស្កប់ស្កល់។

ពាក់ព័ន្ធករណីផ្លូវភេទខាងលើ VJ Anbe បានប្រាប់ Sabay ថាខ្លួន និងនារីម្នាក់ហ្នឹងមិនដែលស្គាល់គ្នាពីមុនមកទេ ហើយរូបថតដែលថតជាមួយគ្នាយ៉ាងស្និទ្ធស្នាល គឺនារីម្នាក់នោះបានសុំលោកថតខណៈពេលខ្លួនទៅធ្វើជាពិធីករ កាត់នំក្នុងកម្មវិធីខួបកំណើតមួយ។

ក្រោយពីថតរួច VJ Anbe មិននឹកស្មានថា នារី ម្នាក់នោះយករូបខ្លួនទៅបង្ហោះហើយ សរសេរពាក្យពេចន៍មិនសមរម្យដូច្នេះសោះ ព្រោះនៅពេលដែលនាង សុំខ្លួនថតក្នុងនាមជាអ្នកគាំទ្រតែប៉ុណ្ណោះ។

លោកថា៖" ខ្ញុំសង្ស័យគាត់យល់សប្ដិ ឬ មានបញ្ហា ផ្លូវចិត្តអ្វីហើយបានគាត់មកបង្ហោះបែបហ្នឹង ខ្ញុំអត់យល់។ ហើយរូបថតហ្នឹងបងស្រីម្នាក់ហ្នឹងគាត់សុំខ្ញុំថត ហើយពេលសុំខ្ញុំថតសុំឲ្យខ្ញុំអង្គុយឲ្យស្និទ្ធស្នាលជាមួយគាត់ ព្រោះគាត់និយាយថា គាត់គឺជាអ្នកគាំទ្រខ្ញុំ"។

បន្ទាប់ពីឃើញនារី ខាងលើបង្ហោះសារដោយប្រើពាក្យពេចន៍អសុរោះរួចមក VJ Anbe បានព្យាយាមទាក់ទងទៅហ្វេសប៊ុកនាង តែមិនមានការឆ្លើយតបអ្វីទាំងអស់ ហើយមិត្តភ័ក្ដិមួយចំនួនក៏បានសុំឲ្យលោក ដាក់ពាក្យប្ដឹង នារី ម្នាក់ហ្នឹងពីបទបរិហារកេរ្តិ៍ តែខ្លួនមិនដាក់ពាក្យប្ដឹងទេ ព្រោះមិនចង់ឲ្យរឿងវែងឆ្ងាយតទៅទៀត៕

អត្ថបទ៖ ឆុង ស៊ីណាន