ដាក់អស់ៗ! សំបុត្របន្ថែមការប្រគំតន្ត្រីលើកដំបូងរបស់ក្រុម Stray Kids លក់អស់ទៀតហើយ
- 2018-03-23 07:20:00
- ចំនួនមតិ 0 | ចំនួនចែករំលែក 0
ដាក់អស់ៗ! សំបុត្របន្ថែមការប្រគំតន្ត្រីលើកដំបូងរបស់ក្រុម Stray Kids លក់អស់ទៀតហើយ
ចន្លោះមិនឃើញ
នៅថ្ងៃទី ២៥ ខែមីនា ឆ្នាំ២០១៨ខាងមុខនេះ ក្រុមចម្រៀងថ្មីរបស់ផលិតកម្ម JYP នឹងធ្វើការប្រគំតន្ត្រីលើកដំបូងរបស់ពួកគេដែលមានឈ្មោះថា 'Stray Kids UNVEIL [Op. 01 : I am NOT]' ។
ដំបូងឡើយសំបុត្រដែលបានដាក់លក់សម្រាប់ការប្រគំតន្ត្រីរបស់ក្រុមចម្រៀងថ្មីមួយនេះគឺត្រូវបានលក់អស់លឿនគួរឲ្យភ្ញាក់ផ្អើល។ ដោយសារតែឃើញលទ្ធផលវិជ្ជមានបែបនេះ ផលិតកម្ម JYP បានសម្រេចបន្ថែមសំបុត្រសម្រាប់អ្នកគាំទ្រដែលទិញមិនទាន់ ហើយលទ្ធផលជាក់ស្ដែងនោះគឺ សំបុត្រដែលបានបន្ថែមលក់នោះ គឺអស់គ្មានសល់មួយសន្លឹក។
បើតាមផលិតកម្ម JYP បាននិយាយនៅថ្ងៃនេះថា៖ "ពួកយើងបានសម្រេចចិត្តបន្ថែមចំនួនសំបុត្រសម្រាប់ការប្រគំតន្ត្រីរបស់ក្រុមចម្រៀងថ្មីមួយនេះសម្រាប់អ្នកគាំទ្រណាដែលទិញមិនទាន់សំបុត្រដែលបានលក់កាលពីមុន។ មួយវិញទៀត ចំពោះទីកន្លែងអង្គុយនៃសំបុត្រដែលបានលក់ថែមនោះនឹងត្រូវមានទីតាំងនៅសងខាងឆាកប្រគំតន្ត្រី ដែលអាចធ្វើឲ្យអ្នកទស្សនាមានការពិបាកក្នុងការទស្សនាការប្រគំតន្ត្រីនេះ តែទោះយ៉ាងណាក៏សំបុត្របន្ថែមនោះនៅតែលក់អស់ដដែល ដូច្នេះហើយ ជាលទ្ធផលការប្រគំតន្ត្រីនេះនឹងធ្វើឡើងចំពោះមុខទស្សនិកជនចំនួន ៣ ៥០០នាក់"៕
ចុចអាន៖
Girls' Generation នឹងសម្ដែងជាមួយសមាជិកនៅសល់ ៥នាក់ជាលើកដំបូង
ហេតុអ្វីកូរ៉េខាងត្បូងយកតែ Red Velvet ១ក្រុមគត់ឲ្យទៅសម្ដែងនៅកូរ៉េខាងជើង?