អតីតគូស្នេហ៍ហូលីវូដ ៥គូ ធ្លាប់បែកធ្លាយវីដេអូក្ដៅសាច់
- 2018-03-23 07:55:00
- ចំនួនមតិ 0 | ចំនួនចែករំលែក 0
អតីតគូស្នេហ៍ហូលីវូដ ៥គូ ធ្លាប់បែកធ្លាយវីដេអូក្ដៅសាច់
ចន្លោះមិនឃើញ
វាសឹងតែជារឿងធម្មតាទៅហើយ សម្រាប់តារាហូលីវូដមួយចំនួនដែលចូលចិត្តថតវីដេអូពេលរួមស្នេហាជាមួយគ្នា។ ប៉ុន្តែជាអកុសលវីដេអូខ្លះគឺត្រូវបានគេចែកចាយពេញបណ្ដាញអ៊ីនធឺណិតដោយសារតែមានការធ្វេសប្រហែលអ្វីមួយ ធ្វើឲ្យបែកធ្លាយ។ នេះជាអតីតគូស្នេហ៍ទាំង៥ ដែលធ្លាប់បែកធ្លាយវីដេអូអាសអាភាស៖
១. Kim Kardashian និង Ray J
កាលពីឆ្នាំ ២០០៧ ផលិតកម្ម Vivid Entertainment បានបញ្ចេញវីដេអូ "Kim Kardashain, Superstar” ជាវីដេអូរឿងអាសអាភាសមានរយៈពេល ៤១នាទីបន្ទាប់ពីទិញបានពីជនម្នាក់មិនស្គាល់ឈ្មោះក្នុងតម្លៃ១លានដុល្លារ។ ក្រោយមក Kim ក៏បានប្ដឹងផ្ដល់ទៅកាន់ក្រុមហ៊ុននោះ ព្រោះនាងគិតថាវាជាវីដេអូគ្រួសារនិងផ្ទាល់ខ្លួនរបស់នាងដែលបានថតតាំងពី៣ឆ្នាំមុន ហើយសម្រាប់តែប្រើប្រាស់ដោយនាងនិងអតីតមិត្តប្រុសនាងតែប៉ុណ្ណោះ។ ទោះជាយ៉ាងណាក៏ដោយ ក៏រឿងក្ដីនេះមិនទាន់អាចជម្រះបាននៅឡើយ ហើយបានធ្វើឲ្យមនុស្សជាច្រើនគិតថា គេស្គាល់ Kim Kardashian តាមរយៈវីដេអូនេះ។ ប៉ុន្តែក្នុងឱកាសជួបសម្ភាសន៍ជាមួយ Oprah, Kim បានរៀបរាប់ថានាងខិតខំប្រឹងប្រែងខ្លាំងទម្រាំបានអ្វីអស់ទាំងនេះ មិនមែនដោយសារតែវីដេអូរឿងអាសអាភាសនោះទេ។
២. Paris Hilton និង Rick Salomon
បន្ទាប់ពីវីដេអូនេះបានលេចធ្លាយកាលពីឆ្នាំ២០០៣ Paris Hilton បាននិយាយថា៖ "ខ្ញុំពិតជាខ្មាសអៀន និងពិបាកចិត្តខ្លាំងណាស់ ពីព្រោះឪពុកម្ដាយនិងអ្នកដែលស្រលាញ់ខ្ញុំទាំងអស់គឺពិបាកចិត្ត។ នាងបន្តទៀតថា៖ "ពេលនោះខ្ញុំកំពុងតែមានទំនាក់ទំនងស្នេហាជិតដិត ហើយមិននឹកស្មានថាវីដេអូនេះត្រូវបែកធ្លាយនោះទេ។" បន្ទាប់ពីវីដេអូនេះបែកធ្លាយលោក Salomon ប្ដឹងក្រុមហ៊ុនដែលចែកចាយវីដេអូបែកធ្លាយនេះ ១០លានដុល្លារ ព្រមទាំងប្ដឹងក្រុមគ្រួសារ Paris ១០លានដុល្លារទៀតផង ប៉ុន្តែក្រោយមកក៏ដកពាក្យបណ្ដឹងវិញ។ ក្រោយមកលោក Salomon បែរជាលក់វីដេអូនេះទៅឲ្យក្រុមហ៊ុន Red Light District Video ទៅវិញក្នុងតម្លៃ ៤០ម៉ឺនដុល្លារ។ Paris បាននិយាយថានាងមានវិប្បដិសារីបំផុតដែលទាក់ទងបុរសរូបនេះ។
៣. Pamela Anderson និង Tommy Lee
វីដេអូផ្ទាល់ខ្លួនរបស់តារាមួយគូនេះត្រូវបានលួច ដោយអ្នកជួសជុលឧបករណ៍អេឡិកត្រូនិកកាលពីឆ្នាំ ១៩៩៦។ ក្រោយមកវីដេអូនេះក៏ត្រូវបានមនុស្សម្នាក់ ដែលជាសមាជិកក្រុមអ្នកលេងអ៊ីតាលីចំណាយ ៥ម៉ឺនដុល្លារដើម្បីចែកចាយបន្ត។ ក្រោយមក Pamela និង Tommy បានដាក់ពាក្យបណ្ដឹងមនុស្សគ្រប់គ្នាដែលមានវីដេអូនេះម្នាក់ ១០លានដុល្លារ ប៉ុន្តែបណ្ដឹងនេះមិនបានផលអ្វីនោះទេ។
៤. Jennifler Lopez និង Ojani Noa
អស់រយៈពេលជាច្រើនឆ្នាំលោក Ojani Noaអតីតស្វាមីរបស់ Jennifer បានបង្កើតវីដេអូមួយ ប្រមូលផ្ដុំនូវរូបអាសអាភាសនិង វីដេអូជាច្រើនបន្ទាប់ពីចំណាយពេល ក្រេបទឹកឃ្មុំជាមួយគ្នា។ សំណាងល្អវីដេអូនេះត្រូវបានគេរកឃើញមុនពេលអ្នកទាំងពីរលែងលះគ្នា ដោយនៅឆ្នាំ ២០១១ វីដេអូនេះត្រូវតុលាការចាក់សោទុកក្នុងទូសុវត្ថិភាព។
៥. Colin Farrell និង Nicole Narain
តារាសម្ដែង Colin Farrell និងតារាម៉ូដែលប្រចាំទស្សនាវដ្ដី Playboy បានទាក់ទងគ្នាកាលពីឆ្នាំ ២០០៣ ហើយក៏បានថតវីដេអូសិចរយៈពេល ១៤នាទីជាមួយគ្នា។ ប៉ុន្មានឆ្នាំក្រោយមកវីដេអូនេះក៏បានបែកធ្លាយ បើយោងទៅតាមទស្សនាវដ្ដី People លោក Colin បានចោទអតីតសង្សារថា នាងជាអ្នកចែកចាយវីដេអូនេះ ប៉ុន្តែក្រោយមក Narain បានបដិសេធ។ អ្នកទាំងពីរក៏បែកបាក់ស្នេហានៅឆ្នាំ ២០០៦៕