យុវតីខ្មែរម្នាក់ មានភ័ព្វដើរលេងច្រើនប្រទេសក្នុងលោក ព្រោះតែសៀវភៅមួយក្បាល

2018-03-24 05:44:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ថុន ថាវរី វ័យ ២៨ ឆ្នាំ បញ្ចប់ការសិក្សាថ្នាក់អនុបណ្ឌិត ផ្នែកព័ត៌មានវិទ្យាពីសាធារណៈរដ្ឋ ឆេក បាននិពន្ធសៀវភៅមួយក្បាលដែលមានចំណងជើងថា «នារីប្រពៃ» ឬ ជាភាសាអង់គ្លេស «Proper Women»។

តាមរយៈការនិពន្ធសៀវភៅមួយក្បាលនេះ ធ្វើឱ្យកញ្ញា មានឱកាសធ្វើដំណើរស្ទើរពេញប្រទេសអ៊ឺរ៉ុបដើម្បីធ្វើបទបង្ហាញពីការតែងនិពន្ធសៀវភៅ ហើយឆ្លៀតដើរកម្សាន្តផ្ទាល់ខ្លួនផង ដោយយកថវិការដែលទទួលបានពីការដើរធ្វើបទបង្ហាញទាំងនេះ។ ក្រៅពីបណ្តាលប្រទេសនៅ អ៊ឺរ៉ុប កញ្ញា ក៏ធ្លាប់បន្តដំណើរទៅកាន់ប្រទេសមួយចំនួនទៀតដូចជា អាមេរិច បារាំ អូស្រ្ទី ឥណ្ឌូនេស៊ី ថៃ ឡាវ ហើយបន្ចុប្បន្នជា មគ្គុទេសទេសចរណ៍ នាំភ្ញៀវទេសចរណ៍បរទេសដើរកម្សន្ត និងសិក្សាជុំវិញប្រទេសកម្ពុជា។

រូបភាពបោះ ក្រុមបោះតង់របស់ ថាវរី

ថារវី ប្រាប់ថា ដោយសាររូបនាងចូលចិត្តការដើរលេងកម្សាន្តច្រើន ហើយរៀនសូត្របានច្រើនពីបទពិសោធន៍ពីការដើរកម្សាន្តទាំងនោះ ទើបបណ្តាលឱ្យខ្លួនឯងចាប់អារម្មណ៍លើការសរសេរ និងដើរកម្សាន្ត។ «ព្រោះការដើរលេងកម្សាន្តធ្វេីឱ្យយើងជួបរឿងរ៉ាវប្លែកៗជាច្រើន ហើយវាក៏ក្លាយជារឿងដែលអាចនិទានប្រាប់ដល់មនុស្សដទៃទៀត» កញ្ញា ថាវរី បន្ថែម។ ដោយមានការយល់ឃើញថា សៀវភៅជាឃ្លាំងចំនេះដឹងមួយមានតម្លៃ និងជាការបង្ហាញពីអារម្មណ៍ រួមទាំងសិល្បៈនៃការសិក្សា ទើបកញ្ញាសម្រេចចិត្តសរសេរសៀភៅវ លើកទឹកចិត្តមួយ ចំណងជើងថា «នារីប្រពៃ» ដើម្បីស្រ្តីខ្មែរទូទៅក្នុងសង្គមមាតាធិបតិយ្យមួយនេះ។

រូបភាពនៅប្រទេស Austria

សៀវភៅ «Proper Women» ឬ «នារីប្រពៃ» រៀបរាប់ពីសង្គមខ្មែរ ដែលស្ត្រីភាពច្រើនជួបប្រទាំងបញ្ហា ដូចជាការសិក្សា ការងារក្នុងសង្គម និងបញ្ហាទំនៀមទំលាប់មួយចំនួនដែលធ្វើឱ្យស្រ្តីមានការលំបាករស់នៅក្នុងសង្គមនេះ និងមិនរីកចម្រើន។ សៀវភៅនេះ ដំបូងឡើយ កញ្ញា ថាវរី បាននិព្ធជាភាសារអង់គ្លេស ដោយគិតថា ទីផ្សារសៀវភៅ មានតែជនបរទេសទេដែលមានច្រើន។ លើសពីការរំពឹងទុកដោយមានការគាំទ្រជាច្រើនពីសិស្សនិស្សិតខ្មែរនោះ សៀវភៅនេះក៏ត្រូវបាន បោះពុម្ភជាភាសាខ្មែរ ដែលលក់ដាច់ស្តុបអស់ប្រមាណ ៣០០០ ក្បាលហើយ។

រូបភាពនៅប្រទេស ឥណ្ឌូនេស៊ី

បន្ចុប្បន្នកញ្ញា ថាវរី ក៏កំពុងបន្ថែមបោះពុម្ពសៀវភៅ «នារីប្រពៃ» បន្ថែម ៣០០០ច្បាប់ទៀត ដោយមានការសួរនាំ និងកម្ម៉ងទុកជាមុនជាច្រើនកន្លែង ពិសេសតាមស្ថាប័ន្ត អង្គការក្រៅរដ្ឋាភិបាល ដែលធ្វើការទាក់ទងនឹងស្រ្តី។ កញ្ញា ថាវរី ក៏បញ្ជាក់ទៀតដែរថាខ្លួនក៏កំពុង សរសេរសៀវភៅថ្មីមួយក្បាលទៀត ដែលនឹងរៀបរាប់ពីជីវប្រវត្តរបស់មនុស្សតស៊ូម្នាក់ដែលគាត់បានក្លាយខ្លួនជាបុគ្គលគំរូក្នុងការបង្កើតមុខរបស់ថ្មី ឬ សហគ្រិនភាព៕