មកដឹងតម្លៃលក់កោះដ៏ស្រស់ស្អាតជុំវិញពិភពលោក រួមទាំងកោះនៅម៉ាល់ឌីវ

2018-03-24 08:46:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងនេះគឺជាអចលនទ្រព្យដ៏ល្អឥតខ្ចោះ ជាកោះឯកជនសម្រាប់លក់ នៅជុំវិញពិភពលោក។ ខាងក្រោមនេះគឺជាកោះសម្រាប់លក់ រាប់តាំងពីកោះដ៏ស្រស់ស្អាតបំផុតនៅម៉ាល់ឌីវ ជាដើម ហើយត្រូវបានបញ្ចេញតម្លៃលក់ដោយក្រុមហ៊ុន Private Islands Inc ៖

៧ កោះ Iguana នៅប្រទេសនីការ៉ាហ្គ័រ តម្លៃ ៦៦៦ ៩៥៣ ដុល្លារ

ស្ថិតនៅចម្ងាយប្រមាណ ១៩ គីឡូម៉ែត្រពីឆ្នេរ Bluefields នៃ ប្រទេសនីការ៉ាហ្គ័រ។ កោះនេះមានទំហំ២,០២ ហិចតា។ កោះនេះជាអតីតភ្នំភ្លើង ដែលគ្របដណ្តប់ដោយដើមដូងដ៏ត្រឈឹងត្រឈៃ និង វីឡាដ៏ប្រណីតមួយនៅទីនោះ។

៦ កោះ Jumbo ប្រទេសកាណាដា តម្លៃ ១,៥ លានដុល្លារ

កោះ Jumbo ស្ថិតនៅប្រជុំកោះ ហ្សកហ្ស៊ី នៃប្រទេសកាណាដា។ កោះនេះមានទំហំ ជិត៥ហិចតា ជាកោះដែលសំបូរទៅដោយភ្នំ និង ថ្ម ដែលមានផ្លូវសម្រាប់ដើរតាមជ្រលងរាប់សិប។ មានទេសភាពដ៏ស្រស់ស្អាត នៃដើមអូក (oak ស្រដៀងស្រល់)។

៥ កោះ La Sistina ប្រទេសអាហ្សង់ទីន តម្លៃ ៣,០៨ លានដុល្លារ

ជាកោះដាច់ដោយឡែកពីគេមួយនៅ ប្រទេសអាហ្សង់ទីន។ កោះនេះមានទំហំ ២៨៣ ហិចតា។ ជាកោះដែលមានផ្ទៃដីល្ហល្ហេវ មានវីឡាមួយ ដែលមានបន្ទប់គេង៨ ដែលអាចឲ្យភ្ញៀវស្នាក់នៅត្រឹម១៨នាក់ប៉ុណ្ណោះ។

៤ កោះ Crescent រដ្ឋផ្លរីដា សហរដ្ឋអាមេរិក តម្លៃ ៣,១៧ លានដុល្លារ

កោះ Crescent មានទំហំជិត២ហិចតា មិនឆ្ងាយប៉ុន្មានពីសហគមន៍អ្នកស្រុកឡើយ មានផ្ទះបុរាណមួយដោយយកតាមលំនាំ អ្នកស្រុកផ្លរីដា មួយនៅលើកោះនោះ។ ជាកោះដ៏ល្អបំផុតសម្រាប់អ្នកចូលចិត្តដើរព្រៃ។

៣ កោះ Soneva Jani ប្រទេសម៉ាល់ឌីវ តម្លៃ ៣,៣៦លានដុល្លារ

រមណីយដ្ឋាន Soneva Jani មានវីឡាធំទូលាយនៅលើកោះដ៏តូចច្រលឹងរបស់ខ្លួន។ វីឡានៅលើទឹក តភ្ជាប់គ្នាដោយផ្លូវដើរធ្វើពីឈើ។ វីឡាទាំងនេះមានចម្ងាយ៥០០ម៉ែត្រពីកោះមួយ Soneva Jani។ កោះនេះអាចទុកថាជាកន្លែងដ៏ស្រស់ស្អាតបំផុតមួយនៅលើលោក ដែលបានអន្ទងចិត្តមហាជនទូទៅ និង អ្នកមានៗមកពីគ្រប់ទីកន្លែងទៅលេងទីនោះ ដើម្បីទទួលបានភាពឯកជនដ៏ល្អប្រណីតមួយក្រោមមេឃនេះ។

២ កោះ Soneva Fushi នៅប្រទេស ម៉ាល់ឌីវ តម្លៃ ៣,៤ លានដុល្លារ

កោះនៅ ម៉ាល់ឌីវ គឺជាគោលដៅទេសចរណ៍សម្រាប់អ្នកមានៗមកពីជុំវិញពិភពលោក ពីព្រោះសមុទ្រនៅទីនោះស្អាតគ្មានគូប្រៀប។ Soneva Fushi នៅម៉ាល់ឌីវគឺជា រមណីយដ្ឋានមួយ មានវីឡាឯកជនចំនួន ៥៧ ដែលមានឆ្នេរដ៏ស្រស់ស្អាត។ ការរចនាត្រូវបានធ្វើឡើងដោយភ្ជាប់ភាពបរិសុទ្ធជាមួយធម្មជាតិ បន្ទប់លំហ និង សួនដ៏ល្អឯក។

១ កោះ Lataro ប្រទេស Vanuatu នៃមហាសមុទ្រប៉ាស៊ីហ្វិកខាងត្បូង តម្លៃ ១១,២ លានដុល្លារ

កោះ Lataro គឺជាកោះឯកជនមួយដែលមានទំហំ ៣២៣ហិចតា ស្ថិតនៅឆ្នេរសមុទ្រនៃប្រទេស Vanuatu។ កោះនេះមានបរិស្ថានល្អណាស់ ថាមពលអគ្គិសនីស្ទើរតែទាំងស្រុង ផលិតដោយថាមពលពន្លឺព្រះអាទិត្យ។ ផ្ទះលើព្រៃ គ្របដណ្តប់ដោយដើមឈើត្រឈឹងត្រឈៃ និង មានវីឡាចំនួន១៨៕

ប្រភព៖ Dailymail ប្រែសម្រួល៖ សុខ លាងហ៊ត

ពាក្យទាក់ទង

កន្លែងកម្សាន្ត

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

សម្តេចតេជោ បានជួយ ១០ម៉ឺនដុល្លារ ដើម្បីព្យាបាលលោកសាស្រ្តាចារ្យ សំបូរ ម៉ាណ្ណារ៉ា ប៉ុន្តែនៅមិនអាចសង្គ្រោះបាន

រំភើបណាស់! មាស២គីឡូក្រាម កំពុងរងចាំជម្រើសជាតិបាល់ទះកម្ពុជាឈ្នះព្រឹត្តិការណ៍មួយនេះ

ស្ពាន ចាក់អង្រែក្រោម-ព្រែកប្រា៖ សសរគ្រឹះ ២៤ដើម នៃជើងតាងទី៩ ចាក់បេតុងរួចរាល់ ១០០%

អត្ថបទថ្មី

ជុក សោភា ហៅឥន្ទ្រីពិឃាដ ឌូក ចិញ្ចឹមចិត្តចង់ឈ្នះពានរង្វាន់ឯកជន

ចង់រៀបចំហិរញ្ញវត្ថុផ្ទាល់ខ្លួនឲ្យកាន់តែប្រសើរ ចូលរួមកម្មវិធីនេះមិនខកចិត្តនោះទេ!

លោកជំទាវ ម៉ៅ ចំណាន បរិច្ចាគទឹកប្រាក់ចំនួន ៩៩៩.៩៩៩ ដុល្លារអាមេរិក ដល់កាកបាទក្រហមកម្ពុជា

ពេលស្ថិតក្នុងស្ថានភាពទាំងនេះ ទើបដឹងថា ហ្វ្រាំងដៃសំខាន់ប៉ុនណា!

ឥទ្ធិពលបទចម្រៀងថ្មីរបស់ Taylor ធ្វើឱ្យគូជម្លោះ Kim Kardashian ធ្លាក់ Follower រាប់សែននាក់

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE