ចូលឆ្នាំខ្មែរ ភរិយា ឆាយ រីរៈយុទ្ធ តែងមួយបទនេះរាំហុយដីផ្អោង
- 2018-03-26 08:03:29
- ចំនួនមតិ 0 | ចំនួនចែករំលែក 0
ចូលឆ្នាំខ្មែរ ភរិយា ឆាយ រីរៈយុទ្ធ តែងមួយបទនេះរាំហុយដីផ្អោង
ចន្លោះមិនឃើញ
"ដឹកឆ្កែទៅលេងស្រុក" បទថ្មីដែលជាស្នាដៃឧត្ដមភរិយា របស់លោក ឆាយ វីរៈយុទ្ធ អ្នកនាង សែ ចាន់ឌី និពន្ធទំនុកឡើង។ ស្រីស្រស់រូបនេះមិនត្រឹមតែជាទីប្រឹក្សាបេះដូងទេ តែជាអ្នកនិពន្ធទំនុកចម្រៀងផ្តាច់មុខឲ្យលោក ឆាយ វីរៈយុទ្ធ ទៀតផង។
បទថ្មីដើម្បីអបអរពិធីបុណ្យឆ្នាំថ្មី ឆ្នាំច របស់លោក ឆាយ រីរៈយុទ្ធ នេះ រៀបរាប់ពីបុរសម្នាក់គ្មានគូ គ្មានសង្សារសម្រាប់ឌុប មានតែឌុបឆ្កែដែលជាសត្វស្មោះត្រង់បំផុតទៅស្រុក។ ទំនុកច្រៀងនេះ ជាការតាក់តែងដោយបណ្ដូលចិត្តរបស់ លោក ឆាយ រីរៈយុទ្ធផ្ទាល់។ ត្បិតថា អ្នកនាង សែ ចាន់ឌី ត្រូវមើលខុសត្រូវលើជំនួញអង្ករក្តី តែអ្នកនាងនៅឆ្លៀតពេលនិពន្ធទំនុកចម្រៀងសម្រាប់ស្វាមីទៀត។
អ្នកនាង សែ ចាន់ឌី អ្នកនិពន្ធ ដែលបញ្ចប់បរិញ្ញាបត្រ ផ្នែកជំនាញសហគ្រិន កន្លងមកធ្លាប់បាននិយាយទាំងអស់សំណើចប្រាប់ Sabay ថា ពេលនេះនាងមានការរវល់ច្រើនលើរបរលក់អង្ករ តែទោះជារវល់យ៉ាងណាអ្នកនាងក៏នៅបន្តការសរសេរទំនុកចម្រៀង ព្រោះនេះជាចំណង់ចំណូលចិត្តតាំងពីក្មេង។ ស្មេរដែលពូកែសរសេរទំនុកចាក់ដោតរូបនេះបន្តថា បច្ចុប្បន្ននាងនិពន្ធទំនុកច្រៀងឲ្យតែកំពូលដួងចិត្តនាងម្នាក់គត់។
«បង(ឆាយ រីរៈយុទ្ធ) គាត់មិនមែនច្រៀងតែចម្រៀងខ្ញុំនិពន្ធនោះទេ គឺគាត់ច្រៀងឲ្យអ្នកនិពន្ធផ្សេងៗទៀតដែរ។ ប៉ុន្តែ ខ្ញុំនិពន្ធនេះ គឺចង់ឲ្យការងារគាត់កាន់តែល្អ! ខ្ញុំអត់មានជាប់ធ្វើការឲ្យផលិតកម្ម ឬកុងត្រាអ្វីទេ និយាយទៅខ្ញុំជាអ្នកនិពន្ធផ្តាច់មុខឲ្យគាត់តែម្តង»។
អ្នកនិពន្ធដែលចូលចិត្តរាំច្រៀង អ្នកនាង សែ ចាន់ឌី ថា ជាធម្មតានាងសរសេរតាមអារម្មណ៍រីករាយ ឬកម្សត់របស់នាង ហើយតែងទៅតាមមនោសញ្ចេតនារបស់អ្នកចម្រៀង និងមើលអារម្មណ៍គេ ត្រូវនឹងអ្វីដែលខ្លួនចង់បានឬអត់ ទើបចម្រៀងមួយបទនោះចេញមកមានការទាក់ទាញមហាជន។
មិនមែនទើបតែពេលនេះទេដែលអ្នកនិពន្ធរូបស្រស់នេះបានតែងទំនុកចម្រៀងសម្រាប់បុរសសង្ហា ឆាយ វីរៈយុទ្ធ តែនាងធ្លាប់ធ្វើកិច្ចការនេះជាយូរមកហើយ ដោយមិនបង្ហាញឈ្មោះពិតរបស់នាងទេ គឺ ដាក់ឈ្មោះថា Echa។ បទទាំងអស់នោះរួមមាន"នឹកសង្សារចាស់" "សុខទុក្ខបងយ៉ាងណាអូនចង់ដឹងទេ" "ស្អប់ខ្លួនឯងដែលស្រលាញ់អូន" "អ្នកណាអោយអូនឃ្លាត" "កិត្តិយស និងស្នេហា" និងមានបទចម្រៀងជាច្រើនបទផ្សេងទៀត គឺធ្វើឡើងតាំងពីមុន អ្នកទាំងពីរដឹកដៃគ្នាចូលរោងការមកម្លេះ៕