“Pacific Rim: Uprising” ទម្លាក់ "Black Panther” ពីកំពូលតារាង Box Office លើកដំបូង

2018-03-26 03:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចំណាយពេល៥សប្ដាហ៍ លើតារាងកំពូលភាពយន្តដែលរកចំណូលបានច្រើនជាងគេលើតារាង Box Office ពេលនេះភាពយន្ត "Black Panther” បានខ្ទាតមកដល់ចំណាត់លេខពីរហើយ ដោយរកចំណូលបាន ១៦,៧លានដុល្លារ។

ភាពយន្តដែលរកចំណូលបានច្រើនជាងគេគឺ "Pacific: Uprising” ដោយរកចំណូលបាន ២៨លានដុល្លារ ក្នុងសប្ដាហ៍ដំបូង។ ក៏ប៉ុន្តែទោះបីជា "Black Panther” ធ្លាក់មកដល់ចំណាត់ថ្នាក់លេខ២ក៏ដោយ ភាពយន្តនេះបានក្លាយជាភាពយន្តបែបវីរៈបុរសដែលរកចំណូលបានច្រើនបំផុត ក្នុងប្រវត្តិសាស្ត្រពោលគឺរកចំណូលបានច្រើនជាង "Avengers” និង "Avengers: Age of Ultron” ទៅទៀត។

នេះជាបណ្ដាភាពយន្តរកចំណូលបានច្រើនជាងគេទាំង១០៖

១០. “Midnight Sun” ប្រាក់ចំណូល ៤,១លានដុល្លារ

ជារឿងរ៉ាវស្នេហារបស់គូស្នេហ៍មួយគូ ដែលតួអង្គស្រីវ័យ១៧ឆ្នាំមានជំងឺមួយមិនអាចត្រូវពន្លឺថ្ងៃបាន។

៩. “Game Night” ប្រាក់ចំណូល ៤,២លានដុល្លារ

មិត្តភ័ក្ដិមួយក្រុមបានចាប់ផ្ដើមលេងល្បែងមួយ ដែលតែងតែជួបជុំគ្នាលេងជាទម្លាប់ ប៉ុន្តែលើកនេះពួកគេបែរជាដឹងថាកំពុងតែដោះស្រាយអាថ៌កំបាំងនៃឃាតកម្មមួយទៅវិញ។

៨. “Paul, Apostle of Chirst” ប្រាក់ចំណូល ៥លានដុល្លារ

សាច់រឿងនេះបង្ហាញពីដំណើរជីវិតរបស់ Paul ដែលជាអ្នកប្រឆាំងនឹងសាសនាគ្រិស្តដ៏ល្បីមួយ មកក្លាយជាសាវកម្នាក់ដ៏មានឥទ្ធិពលបំផុតរបស់ព្រះយេស៊ូ។

៧. “Love, Simon” ប្រាក់ចំណូល ៧,៨លានដុល្លារ

ក្មេងប្រុសវ័យជំទង់ម្នាក់ឈ្មោះ Simon Spier បានលាក់អាថ៌កំបាំងដ៏ធំមួយពីគ្រួសារ និងមិត្តភ័ក្ដិ គឺដោយសារខ្លួនជាប្រុសស្រលាញ់ប្រុស។ នៅពេលដែលអាថ៌កំបាំងនេះអាចនឹងបង្ហើប Simon ត្រូវប្រឈមមុខនឹងបញ្ហាជាច្រើនដែលខ្លួនត្រូវទទួលខុសត្រូវចំពោះអារម្មណ៍ស្នេហារបស់ខ្លួន។

៦. “A Wrinkle in Time” ប្រាក់ចំណូល ៨លានដុល្លារ

ជាភាពយន្តថ្មីរបស់ Disney បង្ហាញពីដំណើរផ្សងព្រេងរបស់ក្មេងស្រីម្នាក់ឈ្មោះ Meg និងប្អូនប្រុសនាងដើម្បីស្វែងរកឪពុកដែលបានបាត់ខ្លួន។

៥. “Tomb Raider” ប្រាក់ចំណូល ១០,៤លានដុល្លារ

ជាភាពយន្តថតថ្មីម្ដងទៀតនៃសាច់រឿងរបស់ Lara Croft ជាអ្នកផ្សងព្រេងដ៏ក្លាហានមួយ ក្នុងបេសកម្មស្វែងរកឪពុករបស់នាង។

៤. “Sherlock Gnomes” ប្រាក់ចំណូល ១០,៦លានដុល្លារ

បន្តពីសាច់រឿង "Gnomeo & Juliet” អ្នកទាំងពីរបានជួលកំពូលអ្នកស៊ើបអង្កេត Sherlock Gnomes ដើម្បីស្វែងរកកាតបាត់បង់របស់ដ៏អាថ៌កំបាំងមួយ។

៣. “I Can Only Imagine” ប្រាក់ចំណូល ១៣,៨លានដុល្លារ

ជាភាពយន្តនិយាយអំពីរឿងរ៉ាវពិតរបស់បទចម្រៀង "I Can Only Imagine" របស់ក្រុមចម្រៀង MercyMe ដ៏ល្បីមួួនិយាយអំពីថាមពលនៃការលើកលែងទោស។

២. “Black Panther” ប្រាក់ចំណូល ១៦,៧លានដុល្លារ

ជាភាពយន្តថ្មីពីផលិតកម្ម Marvel បង្ហាញពីដំណើរសាច់រឿងរបស់ T'Challa ស្ដេចនៃរាជាណាចក្រអាថ៌កំបាំង Wakanda ដែលប្រកបទៅដោយបច្ចេកវិទ្យាទំនើបៗ និងត្រូវប្រឈមមុខនឹងការដណ្ដើមអំណាចនៃជនខាងក្រៅម្នាក់ ដែលកើតមកពីកំហុសរបស់ឪពុក T'Challa។

១. “Pacific Rim: Uprising” ប្រាក់ចំណូល ២៨លានដុល្លារ

និយាយអំពីការផ្សងព្រេងរបស់ Jake Pentecost ជាកូនប្រុសរបស់ Stacker Pentecost ជួបជាមួយនឹងតួអង្គ Mako Mori ដើម្បីដឹកនាំអ្នកបើកយាន Jaeger ជំនាន់ថ្មី ដោយរួមបញ្ចូលទាំងអ្នកពូកែ Hacker វ័យ១៥ឆ្នាំ Amara ដើម្បីប្រឆាំងនឹងសត្រូវពួកសត្វចម្លែក Kaiju។

បណ្ដា Trailer ភាពយន្តចំណូលថ្មី៖