ថ្នាក់ដឹកនាំ ៦ប្រទេសគ្រោងធ្វើពហិការមិនចូលរួមព្រឹត្តិការណ៍ World Cup

2018-03-27 09:02:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសចំនួន៦ កំពុងមានគម្រោងចូលរួមជាមួយអង់គ្លេសធ្វើពហិការមិនចូលរួមព្រឹត្តិការណ៍ World Cup ឆ្នាំ២០១៨ នៅប្រទេសរុស្សី ដើម្បីប្រឆាំងលោក Vladimir Putin ពាក់ព័ន្ធនឹងការអំពើប៉ុនប៉ងឃាតកម្មលើអតីតភ្នាក់ងារចារកម្មរបស់អង់គ្លេសម្នាក់និងកូនស្រី កាលពីខែនេះ។

ប៉ូឡូញ អ៊ីស្លង់ ដាណឺម៉ាក ស៊ុយអែត អូស្ត្រាលី និងជប៉ុន ត្រូវបានរំពឹងទុកបដិសេធការអញ្ជើញពីប្រទេសរុស្សី ដើម្បីគាំទ្រអ្នកស្រី Theresa May ដែលជានាយករដ្ឋមន្ត្រីនៃចក្រភពអង់គ្លេស។ Andrzej Duda ប្រធានាធិបតីនៃប្រទេសប៉ូឡូញគឺជាថ្នាក់ដឹកនាំដំបូងគេ ដែលឈរខាងចក្រភពអង់គ្លេស បន្ទាប់ពីមានការប្រកាសមិនបង្ហាញខ្លួនក្នុងថ្ងៃបើកព្រឹត្តិការណ៍ដ៏ធំនេះនៅថ្ងៃទី ១៤ ខែ មិថុនា។

យោងតាមសារព័ត៌មានអង់គ្លេស The Sun លោក Gudlaugar Thor រដ្ឋមន្ត្រីការបរទេសនៃប្រទេសអ៊ីស្លង់បានប្រកាសដែរថា ប្រទេសលោកឈរក្នុងភាពសាមគ្គីជាមួយចក្រភពអង់គ្លេស លើការប៉ុនប៉ងអតីតភ្នាក់ងារចារកម្មរបស់អង់គ្លេសនៅទីក្រុង Salisbury ប្រទេសអង់គ្លេស។ លោកស្រីនាយករដ្ឋមន្ត្រីអង់គ្លេស Theresa May បានប្រកាសកាលពីពេលថ្មីៗថា ខ្សែរាជវង្ស និងមន្ត្រីជាន់ខ្ពស់របស់អង់គ្លេស នឹងមិនទៅចូលរួមទស្សនា World Cup នោះទេ