Hazard នឹងព្រមលេងខ្សែការពារស្លាបឆ្វេង បើរឿងមួយនេះកើតឡើង
- 2018-03-27 11:34:18
- ចំនួនមតិ 0 | ចំនួនចែករំលែក 0
Hazard នឹងព្រមលេងខ្សែការពារស្លាបឆ្វេង បើរឿងមួយនេះកើតឡើង
ចន្លោះមិនឃើញ
ខ្សែប្រយុទ្ធ Eden Hazard ក្នុងថ្ងៃនេះ បាននិយាយថាខ្លួននឹងព្រមលេងក្នុងតួនាទីជាខ្សែការពារស្លាបឆ្វេង បើសិនជាអ្នកចាត់ការ ឬគ្រូបង្វឹកចង់។
កីឡាករបែលហ្សិកបានប្រាប់អ្នកសារព័ត៌មានថា៖ "ខ្ញុំគ្រាន់តែចង់ចូលលេងបាល់ប៉ុណ្ណោះ លេងខ្សែប្រយុទ្ធ ឬបម្រើប្រយុទ្ធមិនសំខាន់ទេ។ ខ្ញុំអាចលេងជាខ្សែការពារស្លាបឆ្វេងទៀតផង ឲ្យតែអ្នកចាត់ការ ឬគ្រូបង្វឹកខ្ញុំចង់"។
សូមបញ្ជាក់ផងដែរថា ការថ្លែងរបស់ Hazard ធ្វើឡើង បន្ទាប់ពីគ្រូបង្វឹកបែលហ្សិក លោក Roberto Martinez កាលពីពេលថ្មីៗ បានបញ្ជាក់ច្បាស់ថា នឹងមិនឲ្យកីឡាករវ័យ ២៧ឆ្នាំ លេងក្នុងតួនាទី ដែលខ្សែប្រយុទ្ធរូបនេះមិនចូលចិត្តឡើយ។
Hazard លេងបាន ៤១លើកឲ្យ Chelsea រដូវកាលនេះ ក្នុងនោះស៊ុតចូល ១៥គ្រាប់ និង Assist បាន១១ ដង។
បែលហ្សិកនឹងត្រូវប្រកួតជាមួយជាមួយអារ៉ាប៊ីសាអ៊ូឌីត ក្នុងជំនួបមិត្តភាពនាវេលាអាធ្រាត្រយប់នេះ (ម៉ោង ១:៤៥)៕