កម្រឃើញ! យប់មិញ Vardy ពាក់ស្បែកជើងប្រេន Ronaldo លេងឲ្យជម្រើសជាតិ
- 2018-03-28 02:11:18
- ចំនួនមតិ 0 | ចំនួនចែករំលែក 0
កម្រឃើញ! យប់មិញ Vardy ពាក់ស្បែកជើងប្រេន Ronaldo លេងឲ្យជម្រើសជាតិ
ចន្លោះមិនឃើញ
ក្នុងការប្រកួតមិត្តភាពកាលពីយប់ Jamie Vardy រកបានមួយគ្រាប់ ជួយជម្រើសជាតិអង់គ្លេសស្មើជាមួយអ៊ីតាលីក្នុងលទ្ធផល ១-១។
បើកការប្រកួតត្រឹមតែ៤៥វិនាទីខ្សែប្រយុទ្ធរបស់ក្លឹប Leicester City រូបនេះបានប៉ះបាល់ទៅហើយ ខុសពីការប្រកួតជាមួយហូឡង់កាលពីសប្ដាហ៍មុន លេង២២នាទីតែមិនបានប៉ះបាល់សូម្បីបន្តិច។ នាទី២៦ Vardy រកគ្រាប់នាំមុខឲ្យអង់គ្លេស មុនពេលអ៊ីតាលីតាមស្មើវិញនៅចុងវគ្គទី២ ដោយបាល់ប៉េណាល់ទី ទាំងចម្រូងចម្រាស។
យ៉ាងណាក្នុងការប្រកួតនេះក៏មានចំណុចចាប់អារម្មណ៍មួយដែរ។ ក្នុងនោះ Vardy បានពាក់ស្បែកជើង Nike CR7 ដែលជាប្រេនរបស់តារាព័រទុយហ្គាល់ Cristiano Ronaldo។ តែនេះមិនមែនជាលើកដំបូងទេដែលខ្សែប្រយុទ្ធរបស់អង់គ្លេសវ័យ៣១ឆ្នាំពាក់ស្បែកជើងនេះ កន្លងទៅក្នុង Premier League ក៏ធ្លាប់ប្រើដែរ គ្រាន់តែមិនសូវមានអ្នកចាប់អារម្មណ៍។
សម្រាប់កីឡាបាល់ទាត់អាជីពក្នុងពិភពលោក ពិតជាកម្រឃើញពាក់ស្បែកជើងដែលមានប្រេនឈ្មោះរបស់កីឡាករដូចគ្នាណាស់ ហើយ Vardy អាចចាត់ទុកជារឿងកម្រមួយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
