ទីបំផុត Wu Chun ព្រមបង្ហាញមុខភរិយាសំណព្វជាសាធារណៈហើយ

2018-03-29 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយរៀបការហើយតាំងពីឆ្នាំ ២០០៩ តារាសម្ដែងសញ្ជាតិព្រុយនេ Wu Chun មិនដែលបង្ហាញមុខប្រពន្ធរបស់លោកទេ តែពេលនេះអ្វីដែលមហាជនចង់ដឹង ចង់ឃើញ ត្រូវបានបង្ហាញហើយ។

កន្លងមក Wu Chun មិនដែលព្យាយាមបង្ហាញពីភិនភាគរបស់ភរិយារបស់ខ្លួនឡើយ ទើបតែថ្មីលោកបានបង្ហាញមុខម្ចាស់ចិត្តលើបណ្ដាញសង្គម ជាហេតុធ្វើឲ្យគ្រប់គ្នាមានការភ្ញាក់ផ្អើលជាខ្លាំង។ មូលហេតុដែលនាំឲ្យលោក មិនចង់ឲ្យគេស្គាល់មុខប្រពន្ធ ដោយសារខ្លាចនាងពិបាកក្នុងការបង្ហាញខ្លួននៅទីសាធារណៈ។ រហូតពេលមួយដែល Lin Liying (ប្រពន្ធរបស់ Wu Chun) ចូលរួមក្នុងកម្មវិធី Where Are We Going, Dad? ជាមួយស្វាមី និងកូន ២នាក់ទៀត នាងក៏ពាក់ម៉ាសដែរ។

Wu Chun និងភរិយា

ក្រោយពីធ្វើឲ្យអ្នកគាំទ្រអន្ទះសាចង់ស្គាល់មុខប្រពន្ធ ពេលនេះតារាប្រុសវ័យ ៣៨ឆ្នាំរូបនេះបានបង្ហាញមុខនាងជាផ្លូវការហើយ ក្រោយពីពិភាក្សាគ្នាហ្មត់ចត់រួច។

Wu Chun ជាមួយប្រពន្ធ និងកូនទាំង ២

Wu Chun បានទម្លាយទៀតថា ពេលជិតដល់ពេលបង្ហោះរូបលើបណ្ដាញសង្គម ជើងរបស់ប្រពន្ធលោក ប្រែជាត្រជាក់ ព្រោះនាងភ័យខ្លាចរូបចេញទៅមិនសមស្អាត ប៉ុន្តែWu Chun ដែលជាស្វាមីបានប្រាប់ប្រពន្ធវិញថា "មិនអីទេ"។

ប្ដីប្រពន្ធកាលរៀបការ

បើគិតមកទល់ឆ្នាំនេះ វាមានរយៈពេលជាង ៨ឆ្នាំហើយដែល Wu Chun បានរៀបការ ប៉ុន្តែស្នេហាពួកគេមានអាយុកាលជាង ២២ឆ្នាំហើយ ព្រោះអ្នកទាំង ២ចាប់ផ្ដើមស្រឡាញ់គ្នាតាំងពីឆ្នាំ ១៩៩៦ មកម្ល៉េះ៕

Sabay ត្រូវការរើស 5 Corporate Sales Executives បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW។

ប្រភព៖ entertainment.toggle ប្រែសម្រួល៖ យី សុធារី