ផ្អើលដល់រដ្ឋមន្ត្រីបារាំង រឿងអ្នកគាំទ្ររុស្ស៊ីមើលងាយកីឡាករបារាំងយប់មិញ
- 2018-03-28 11:25:21
- ចំនួនមតិ 0 | ចំនួនចែករំលែក 0
ផ្អើលដល់រដ្ឋមន្ត្រីបារាំង រឿងអ្នកគាំទ្ររុស្ស៊ីមើលងាយកីឡាករបារាំងយប់មិញ
ចន្លោះមិនឃើញ
រដ្ឋមន្ត្រីក្រសួងកីឡាបារាំង អ្នកស្រី Laura Flessel ក្នុងថ្ងៃនេះ បានអំពាវនាវភាគីពាក់ព័ន្ធ ដើម្បីបញ្ចប់សកម្មភាពរើសអើងពណ៌សម្បុរនៅក្នុងពិភពបាល់ទាត់។
អ្នកស្រីរដ្ឋមន្ត្រីបានសរសេរក្នុងសារ Twitter ថា៖ " ការរើសអើងពណ៌សម្បុរមិនត្រូវមានទេក្នុងពិភពបាល់ទាត់។ អឺរ៉ុប ក៏ដូចជាពិភពលោកទាំងមូលត្រូវរួមគ្នាដើម្បីបញ្ចប់សកម្មភាពដ៏មិនអាចទទួលយកបានមួយនេះ" ។
សូមបញ្ជាក់ផងដែរ ក្នុងការប្រកួតមិត្តភាពរុស្ស៊ី-បារាំងយប់មិញ មានអ្នកគាំទ្រក្រុមជម្រើសជាតិរុស្ស៊ី មួយចំនួនបានធ្វើសំឡេងស្វា នៅពេលខ្សែបម្រើ Paul Pogba និងខ្សែស្លាប Ousmane Dembele ប៉ះបាល់។ ការធ្វើសំឡេងស្វា គឺជាសកម្មភាពរើសអើងមួយ ធ្វើឡើងដើម្បីចំអកកីឡាករដែលមានស្បែកខ្មៅ។
២គ្រាប់ របស់ Kylian Mbappe និងមួយគ្រាប់ Free kick របស់ Paul Pogba ជួយបារាំងឲ្យឈ្នះរុស្ស៊ី ៣-១ ក្នុងប្រកួតយប់មិញ៕