ក្រុមហ៊ុនមួយគត់ដែលអាចស្រោចស្រង់ HTC ពីការខាតបង់ប្រាក់កន្លះពាន់លានដុល្លារក្នុងឆ្នាំ ២០១៧

2018-03-28 12:04:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្លែងលម្អិតក្នុងព្រឹត្តិការណ៍សរុបហិរញ្ញវត្ថុនាត្រីមាសទី ៤ ឆ្នាំ ២០១៧ ក្រុមហ៊ុន HTC បានប្រកាសជាសាធារណៈពីទំហំខាតបង់ប្រាក់ចំនួន ៥៨០ លានដុល្លារ នាឆ្នាំកន្លងទៅ។ ជាប្រវត្តិសាស្ត្រពុំធ្លាប់កើតមាន ដោយត្រឹមត្រីមាសចុងក្រោយក្រុមហ៊ុនតៃវ៉ាន់មួយនេះ បានធ្វើឲ្យរបូតទំហំថវិកាប្រមាណ ៣៤០ លានដុល្លារបាត់ទៅហើយ។

ជាមូលហេតុទាក់ទងនឹងការកំណើនប្រកួតប្រជែងនៅលើទីផ្សារ និងការកំណត់តម្លៃមិនជាក់លាក់ធ្វើឲ្យខាតបង់ថ្លៃដើមនៃមូលធនភាគហ៊ុនរបស់ខ្លួន។ ប៉ុន្តែក្តីសង្ឃឹមនៅកើតមានជានិច្ចក្រោយកិច្ចចុះហត្ថលេខាលក់ភាគហ៊ុនមួយផ្នែកធំឲ្យទៅ ក្រុមហ៊ុន Google ដោយគ្រប់យ៉ាងទើបតែបញ្ចប់កាលពីខែមករា ក្នុងតម្លៃ ១,១ ពាន់លានដុល្លារ ហើយមានអតីតបុគ្គលិកនៅ HTC ជាច្រើន បង្វែរចូលទៅបម្រើការនៅក្រុមហ៊ុនសម្ព័ន្ធ Alphabet ប៉ុន្តែក៏មិនទាន់ច្បាស់ពីការចូលទៅប្រើប្រាស់ប៉ាតង់បែបណានោះដែរ ពីសំណាក់ក្រុមហ៊ុនយក្សមានមូលដ្ឋាននៅរដ្ឋ California មួយនេះ។

រំឭកថាកន្លងទៅក៏មានធ្លាប់មានចចាមអារ៉ាមថា HTC នឹងមានស្មាតហ្វូន Android កំពូលតែមួយគត់ក្នុងឆ្នាំ ២០១៨ នោះគឺម៉ូឌែល U12 Plus ប៉ុន្តែតាមអ្នកឃ្លាំមើលឧស្សាហកម្មបានឆ្លើយតបមកវិញ ថាគ្មានគម្រោងឬផែនការណាមួយនៃការដាក់បង្ហាញផលិតផលថ្មីរបស់ក្រុមហ៊ុន HTC ក្នុងឆ្នាំនេះ ឡើយ។

-->Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N