Floyd ប្រកាសកំពុងហាត់ត្រៀមឡើង UFC លេងក្នុងគីឡូចាស់របស់ McGregor
- 2018-03-29 08:15:31
- ចំនួនមតិ 0 | ចំនួនចែករំលែក 0
Floyd ប្រកាសកំពុងហាត់ត្រៀមឡើង UFC លេងក្នុងគីឡូចាស់របស់ McGregor
ចន្លោះមិនឃើញ
Floyd Mayweather បានបញ្ជាក់ថា គេកំពុងចាប់ផ្ដើមរៀបចំបង្ហាញខ្លួនជាលើកដំបូងក្នុងសង្វៀន UFC និងសង្ឃឹមអាចចេញវាយនៅចុងឆ្នាំនេះ ក្នុងប្រភេទទម្ងន់ដូច Conor McGregor។
កន្លងទៅបុរសចូលនិវត្តន៍ពីប្រដាល់សកលរូប ធ្លាប់ត្រូវអ្នកគាំទ្រចំអកគិតថា មិនអាចទៅរួចជាមួយ McGregor ក្នុងសង្វៀន UFC ត្បិតតែធ្លាប់ឈ្នះលើសង្វៀនសកលក្ដី។ ប៉ុន្តែថ្មីៗនេះ Mayweather ដែលកំពុងសុំអាជ្ញាប័ណ្ណប្រកួតអាជីព MMA បានចេញប្រកាសក្ដែងៗថា គេវិលពីចូលនិវត្តន៍ចូលហ្វឹកហាត់វិញហើយ។
“ខ្ញុំចាប់ផ្ដើមហ្វឹកហាត់វិញហើយ។ ខ្ញុំចាប់ផ្ដើមរត់៦,៥គម ប៉ុន្មានសប្ដាហ៍កន្លងទៅ។ ខ្ញុំកំពុងគិតអំពីការវាយនៅ MM។ ខ្ញុំបានពិចារណាអំពីវាមួយរយៈដែរហើយ។ ខ្ញុំបានចាប់ផ្ដើមហាត់នៅទីក្រុង Miami និងសង្ឃឹមអាចចេញវាយនៅចុងឆ្នាំនេះ។ ពួកយើងក៏មិនទាន់ដឹងច្បាស់ អ្វីៗនៅ៥០/៥០ មិនទាន់១០០%ទេ។
Floyd Mayweather បន្ថែមទៀតថា គេនឹងវាយក្នុងប្រភេទទម្ងន់ Featherweight ដែល McGregor ធ្លាប់សោយរាជ្យកាលកន្លងទៅ មុនពេលដំឡើងគីឡូទៅវាយក្នុងទម្ងន់ Lightweight៕ ប្រសិន Floyd ពិតជាបានឡើងវាយនៅ UFC មែន នោះភាពរយជួប McGregor អាចនឹងមានខ្ពស់៕